2 Ebyomubyanda 25:10 - Baibuli Ekibono kya Katonda 2014

¹⁰ Agho Amazia yaasiibula ab'eigye eryali liidhie y'ali nga liva mu Efuraimu, yaabalagira okwirayo ewaibwe. Abantu abo bairayo ewaibwe nga basungughaliire abantu b'omu Buyudaaya ekibitiriire.

2 Ebyomubyanda 25:10 ပူးပေါင်းရင်းမြစ်များ

2 Samueli 19:43

Abaisiraeli bairamu bati: “Ife tuli n'obukumu bwa mikuzi kikumi ku bwakyabazinga, okusinga imwe bwe muli nabwo. Era ni Daudi oyo waife inho okusinga bw'ali owaimwe. Kale lwaki mutunhoomerera? Ti niife abaasooka okuleeta ekidhuubo eky'okwiza kyabazinga waife?” Aye ab'omu kika kya Yuda bye baayogera byaba bikambwe okusinga eby'Abaisiraeli.

1 Bakyabazinga 12:24

‘Musengwa Katonda akoba ati mutaja kulumba baganda baimwe, Baisiraeli banaimwe. Mwireyo buli muntu mu maka ge, kuba ebyo ebibairegho, ninze nabireetagho.’ ” Agho baagondera ekiragiro kya Musengwa Katonda, bairayo ewaibwe nga Musengwa Katonda bwe yabalagira.

2 Ebyomubyanda 25:11

Amazia yaasiba omwoyo, yaakulembera eigye lye, yaaja mu Kiiko ky'Omuunhu, yaitirayo abaisirukale Abaedomu omutwalo mulamba (10,000).

2 Ebyomubyanda 25:9

Amazia yaakoba omuntu wa Katonda ati: “Ate nnaakola ntya talanta ekikumi, dhe mmaze okusasula eigye lya Isiraeli?” Omuntu wa Katonda yairamu ati: “Musengwa Katonda asobola okukugha n'ebisinga agho.”

Ensambo 29:22

Omuntu asungughala amangu asiikuula okusoola, n'omuntu omukambwe agwa mu bizibu kamaala.