2 Ebyomubyanda 24:9 - Baibuli Ekibono kya Katonda 2014

⁹ Agho baalangirira mu Buyudaaya ni mu Yerusalemu mwonamwona, abantu baleete eri Musengwa Katonda omusolo, Musa omugheereza wa Katonda gwe yata ku Baisiraeli nga bali mu irungu.

2 Ebyomubyanda 24:9 ပူးပေါင်းရင်းမြစ်များ

2 Ebyomubyanda 24:10

Abakungu n'abantu boonaboona baasanhukira ekintu ekyo, era baaleetanga empiiya baadhita mu sanduuku eyo, okutuusa boonaboona lwe baamalayo omusolo gwaibwe. Kale baakolanga batyo buli lunaku, era baasolozanga empiiya kamaala inho.

2 Ebyomubyanda 24:6

Kale kyabazinga yaayeta Yehoiada omukulu waibwe, yaamukoba ati: “Lwaki tiwasalira Balevi kuleetanga musolo okuva mu Buyudaaya ni mu Yerusalemu, ogwasalibwagho Musa omugheereza wa Katonda, era mwene gwe yatoolanga ku Baisiraeli olw'okulabirira Weema ey'Okwagaananirangamu ni Musengwa Katonda?” (

2 Ebyomubyanda 36:22

Mu mwaka ogwasooka ogwa kyabazinga Kuro okufuga Perusia, Musengwa Katonda yatuukiriza ekyo kye yayogera ng'abita mu Yeremia omulanzi. Musengwa Katonda oyo yaleetera kyabazinga Kuro oyo okulangirira ekiragiro mu bwakyabazinga bwe bwonabwona, era yaakita mu bughandiike ati:

Okuvaayo 30:12

“Bw'onaaba ng'oli kubala Abaisiraeli, buli muntu aidha kwesasulira olw'okwenunula eri nze Musengwa Katonda olw'obulamu bwe okubalibwa, alobe kugwibwaku kibamba.