2 Ebyomubyanda 24:27 - Baibuli Ekibono kya Katonda 2014

²⁷ Byonabyona ebigema ku batabane ba Yoashi oyo, ni ku ebyo abalanzi bye baalanga okumuvumirira, ni ku kuzimba obuyaaka eisinzizo, byaghandiikibwa mu Kitabo ekiinhonhola ebifa ku bakyabazinga. Mutabane we Amazia n'eyamusikira ku bwakyabazinga.

2 Ebyomubyanda 24:27 ပူးပေါင်းရင်းမြစ်များ

2 Bakyabazinga 12:18

Aye Yoashi kyabazinga wa Buyudaaya yaatoola ebintu byonabyona badhaadha be Yehoshafati ni Yehoramu ni Ahazia, abaaliku bakyabazinga ba Buyudaaya bye baaghaayo ye Musengwa Katonda, era n'ebyo mwene bye yali aghaireyo, ni zaabu yeenayeena eyali mu iterekero ly'eisinzizo ni mu ly'ekisaagaati kya kyabazinga, yaabigheereza Hazaeli kyabazinga wa Siria. Olwo Hazaeli yaava mu Yerusalemu, yaaja.

2 Bakyabazinga 12:21

Abakungu be, Yozakari mutabane wa Shimeathi ni Yehozabadi mutabane wa Shomeri, n'abaamufumita, n'afa. Era baamuziika mu badhaadha be abaafa, mu kyetebwa Ekibuga kya Daudi. Mutabane we Amazia yaamusikira ku bwakyabazinga.

1 Ebyomubyanda 3:12

Yoashi yaazaala Amazia, Amazia yaazaala Azaria, Azaria yaazaala Yothamu,

2 Ebyomubyanda 13:22

Ebindi Abiya oyo bye yakola, n'empisa dhe, ni bye yayogera, byaghandiikibwa mu Byafaayo bya Iddo Omulanzi.

2 Ebyomubyanda 16:11

Asa bye yakola, okuva lwe yatoolera okufuga okutuuka lwe yakoma, byaghandiikibwa mu Kitabo ky'Ebyafaayo ebya bakyabazinga ba Buyudaaya n'aba Isiraeli.

2 Ebyomubyanda 20:34

Ebindi byonabyona Yehoshafati bye yakola, okuva lwe yatoolera okufuga okutuuka lwe yakoma, byaghandiikibwa mu kitabo kya Yehu mutabane wa Hanani, era byamala byaingizibwa mu kitabo eky'Ebyafaayo bya Bakyabazinga ba Isiraeli.

2 Ebyomubyanda 24:12

Kyabazinga ni Yehoiada, baagemyanga empiiya edho abo abaalabiriranga omulimo ogw'okulongoosa eisinzizo. Ate abo baapatananga n'abakozi ab'okulongoosa eisinzizo, bano: abazimbisa amabaale, n'ababaadhi, n'abagheesa ebintu mu kyuma eky'ekikomo ni mu kyuma ekigumu einho.

2 Ebyomubyanda 24:26

Abaakola olukwe okumwita, baali: Zabadi mutabane w'omukazi Omuammoni ayetebwa Shimeathi, ni Yehozabadi mutabane w'omukazi Omumoabu ayetebwa Shimurithi.

2 Ebyomubyanda 25:1

Amazia yaafuuka kyabazinga wa Buyudaaya ng'agheza emyaka amakumi abiri n'etaanu egy'obukulu, era yaafugira entangama ya myaka amakumi abiri na mwenda mu Yerusalemu. Eriina lya inhina nga ni Yehoaddani ow'e Yerusalemu.

2 Ebyomubyanda 9:29

Ebindi byonabyona Solomoni bye yakola, okuva lwe yainhama okufuga okutuuka ku nkomerero ye, byaghandiikibwa mu Byafaayo bya Nathani Omulanzi, ni mu Byalangibwa Ahiya ow'e Shilo, ni mu Byali mu Kubonekerwa kwa Iddo Omulanzi nga bigema ku Yeroboamu mutabane wa Nebati.