2 Ebyomubyanda 24:25 - Baibuli Ekibono kya Katonda 2014

²⁵ Abasiria bwe baagolola, baaleka Yoashi oyo nga bamufumiite inho ebibwa. Agho abagheereza be beene baamukolera olukwe, baamutemulira mu buliri bwe olw'okwita mutabane wa Yehoiada kabona. Kale yaafa, baamuziika mu kyetebwa Ekibuga kya Daudi, aye ti mu lwambiidhi lwa bakyabazinga.

2 Ebyomubyanda 24:25 ပူးပေါင်းရင်းမြစ်များ

1 Bakyabazinga 15:27

Agho Baasha mutabane wa Ahiya ow'omu kika kya Issakari, yaalya mu Nadabu oyo olukwe era yaamwitira e Gibbethoni eky'Abafilisiti, Nadabu oyo n'Abaisiraeli boonaboona kye baali bazingiiza okwezunguluza.

2 Ebyomubyanda 21:16

Era Musengwa Katonda yaasiikuula obusungu bw'Abafilisiti n'obw'Abawarabu abaalinga nga baba kumpi n'Abaethiopia, yaabaleetamu omwoyo ogw'okulwanisa Yehoramu.

2 Ebyomubyanda 22:6

Kyabazinga Yoramu oyo, yairayo e Yezireeli amale okuwona ebibwa Abasiria bye baamufumitira e Rama ng'alwanisa kyabazinga Hazaeli owa Siria. Agho kyabazinga Ahazia mutabane wa Yehoramu kyabazinga wa Buyudaaya, yaajaayo okumubona obulwaire.

2 Ebyomubyanda 22:9

Yaalagira baayagaaza woonawoona nga banoonia Ahazia, era baamugema nga yeegisiisa mu Samaria. Baamuleeta eri Yehu, baamwita, era baamuziika olw'okuba baakoba bati: “Ono mwidhukulu wa Yehoshafati eyafubanga einho okugheereza Musengwa Katonda n'omwoyo omulala.” Mu b'endhu ya Ahazia timwasigalamu muntu asobola kufuga bwakyabazinga.

2 Ebyomubyanda 24:16

Baamuziika mu kyetebwa Ekibuga kya Daudi, mu lwambiidhi lwa bakyabazinga, kuba yali akoleire Katonda n'eisinzizo lye ebirungi mu Isiraeli.

2 Ebyomubyanda 24:26

Abaakola olukwe okumwita, baali: Zabadi mutabane w'omukazi Omuammoni ayetebwa Shimeathi, ni Yehozabadi mutabane w'omukazi Omumoabu ayetebwa Shimurithi.

2 Ebyomubyanda 25:27

Okuviira irala Amazia lwe yakyuka n'ava ku Musengwa Katonda, ghaaligho abaakola olukwe mu Yerusalemu okumwita. Kale yaalumukira mu kibuga ky'e Lakishi, aye era baatumayo abantu okumunooniayo, era baamwitirayo.

2 Ebyomubyanda 25:3

Era olwamala okukakata ati ku bwakyabazinga, ng'aita abagheereza be bale abaita lata we.

2 Ebyomubyanda 28:27

Agho Ahazi yaafa yeeyimba ku badhaadha be abaafa, era yaaziikibwa mu kibuga Yerusalemu aye ti mu lwambiidhi lwa bakyabazinga. Mutabane we Hezekia yaamusikira ku bwakyabazinga.

Zabbuli 10:14

Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Okwolekebwa 16:6

Olw'okuba abantu baayugha omusaayi okw'abatuukirivu bo n'ogw'abalanzi, weena ky'oviire obagha omusaayi okunhwa. Ekyo kye bagwaine!”