2 Ebyomubyanda 24:24 - Baibuli Ekibono kya Katonda 2014

²⁴ Waire ng'eigye ery'Abasiria lyali itono, Musengwa Katonda yaligha okughangula eigye ly'Abayudaaya eryali eikologho lyene kuba abantu b'omu Buyudaaya baali baviire ku Musengwa Katonda, oyo Katonda wa badhaadha baibwe. Kale kyabazinga Yoashi baamubonereza batyo.

2 Ebyomubyanda 24:24 ပူးပေါင်းရင်းမြစ်များ

2 Bakyabazinga 12:17

Mu kiseera ekyo Hazaeli kyabazinga wa Siria yaalumba ekibuga Gathi yaakighangula. Agho yaakyuka okuja okulwanisa ekibuga Yerusalemu.

2 Ebyomubyanda 16:7

Mu kiseera ekyo, omulanzi Hanani yaaja ye kyabazinga Asa owa Buyudaaya, yaamukoba ati: “Olw'okuba weesiga kyabazinga wa Siria, waaloba kwesiga Musengwa Katonda wo, eigye lya Isiraeli likweibyeku lyakulumukaku.

2 Ebyomubyanda 22:8

Agho Yehu bweyali ali kutuukiriza ekibonerezo Katonda kye yasalira ab'endhu ya Ahabu, yaayagaana abakungu ba Buyudaaya n'abaana ba baganda ba Ahazia, abaali bagherekeireku Ahazia oyo ku bugeni. Yehu yaabaita.

2 Ebyomubyanda 24:20

Agho omwoyo gwa Katonda gwaidha ku Zekaria mutabane wa Yehoiada kabona. Yaayemerera ghaigulu abantu ghe bamubonera obukalamu, yaakoba ati: “Musengwa Katonda akoba ati, lwaki mudheemera ebiragiro bye, ni mwereetera akabi? Nga imwe bwe mwava ku Musengwa Katonda oyo, yeena abalekuliire agho.”

2 Ebyomubyanda 28:5

Olw'ebibi ebyo Ahazi bye yakola, Musengwa Katonda we kyeyava n'amughaayo ye kyabazinga w'e Siria, yaamughangula, era yaatwala abantu be kamaala inho e Damasiko, nga basibe. Kabiri Musengwa Katonda oyo yaamughaayo ye kyabazinga Peka owa Isiraeli, yaamughangula ng'aise n'abantu be kamaala inho.

Isaia 13:5

Bava mu maghanga ag'eghala ere ensi y'ekanga. Musengwa Katonda ali kwidha n'obusungu okuzikiriza ensi yoonayoona.

Isaia 30:17

Omwisirukale ow'abazigu aliba mulala ati, yaatiisa abantu lukumi (1,000) ku imwe baalumuka. Ate abaisirukale abataanu obutaanu, balibatiisa mwenamwena mwalumuka. Amagye gaimwe galiweekereragho, ghaasigalagho bwa kikondo kya bendera ku ngulu ku lusozi ng'akamanhiso.

Yeremia 37:10

Ni bwemughangula eigye lyonalyona ery'Abababilonia ni ghasigalagho bw'abo be bafumiite ebibwa bonka, nga balambaire mu weema dhaibwe, era abo balisituka baayokya ekibuga kino omuliro.’ ”

Abalevi 26:25

Ndidha kubaleeteranga entalo okubabonereza olw'okumenha endagaano yange n'imwe. Era bwe muneesololezanga aghalala mu bibuga byaimwe okwewonia, ndidha kubasindikangamu obulwaire obubi, muwalirizibwenga okweghaayo eri abazigu baimwe.

Abalevi 26:37

Banaaniinaganangaku beene na beene, nga ghazira ali kubabingirira, era tibaabengaku na muzigu ye basobola kulwanisa.

Abalevi 26:8

Abataanu ku imwe baidha kughangulanga ekikumi, n'ekikumi ku imwe baidha kughangulanga omutwalo omulamba. Mu lutalo, abazigu baimwe munaabaitanga mwabamaliriragho.

Habakkuku 1:12

Wo Musengwa Katonda wange, oli Katonda okuva eira n'eira. Oli Mutukuvu ow'ebyanda n'ebyanda. Wo Musengwa Katonda, niiwe olubaale mwe twewogoma era niiwe walonda Abababilonia, waabafuula ba maani era waabagha okutubonereza.

Zefania 1:2

Musengwa Katonda yakoba ati: “Nja kuzikiriza ebintu byonabyona ebiri ku nsi:

Amateeka Agokubiri 28:25

“Musengwa Katonda aidha kuleeteranga abazigu baimwe babaghangulenga nga babona. Mwidha kujiiranga mu ngira ndala nga muja okubalumba, aye mwidha kwiriranga mu ngira kamaala nga muli kughaba okulumuka okuva ghe bali. Amaghanga goonagoona ku nsi bwe ganaabonanga ebibatuuseeku, gaidha kutyanga inho.

Amateeka Agokubiri 28:48

Kale ni aidha kubasindikiranga abazigu, imwe mufuuke bagheereza baibwe, endhala n'endiwo bibalumenga, nga muli madu era nga muzira kintu kyonakyona kye muli nakyo. Musengwa Katonda oyo aidhanga kubaleetera okutuntuzibwa einho, okutuusa lwe mulizikirizibwa.

Amateeka Agokubiri 32:30

Omulwani omulala yandibinze atya abalwani olukumi (1,000), n'abalwani ababiri ni balumusa omutwalo; okutoolaku nga bwenebwene omulwanirizi waibwe ow'amaani abalekuliire agho, nga Musengwa Katonda waibwe oyo yaabavaaku?