2 Ebyomubyanda 24:17 - Baibuli Ekibono kya Katonda 2014

¹⁷ Yehoiada bwe yamala okufa, abakungu mu Buyudaaya baaja baakubira kyabazinga amakiryaivu era baakutama n'ebyeni byatuuka ku itaka. Agho kyabazinga yaawulirisa bye baamukoba.

2 Ebyomubyanda 24:17 ပူးပေါင်းရင်းမြစ်များ

2 Bakyabazinga 12:18

Aye Yoashi kyabazinga wa Buyudaaya yaatoola ebintu byonabyona badhaadha be Yehoshafati ni Yehoramu ni Ahazia, abaaliku bakyabazinga ba Buyudaaya bye baaghaayo ye Musengwa Katonda, era n'ebyo mwene bye yali aghaireyo, ni zaabu yeenayeena eyali mu iterekero ly'eisinzizo ni mu ly'ekisaagaati kya kyabazinga, yaabigheereza Hazaeli kyabazinga wa Siria. Olwo Hazaeli yaava mu Yerusalemu, yaaja.

2 Ebyomubyanda 24:16

Baamuziika mu kyetebwa Ekibuga kya Daudi, mu lwambiidhi lwa bakyabazinga, kuba yali akoleire Katonda n'eisinzizo lye ebirungi mu Isiraeli.

2 Ebyomubyanda 24:18

Baava ku kusinzizanga mu isinzizo lya Musengwa Katonda, Katonda wa badhaadha baibwe, baira ku kusinzanga omusambwa omukazi Ashera n'ebisinzibwa ebindi ebitali Katonda. Era Musengwa Katonda oyo yaasungughalira Buyudaaya ni Yerusalemu, olw'omusango gwaibwe ogwo.

Ensambo 20:19

Omuntu ayengeesa olubono ayogera ebyama. Kale weesambanga abantu aboogerayogera eyo batyo.

Ensambo 26:28

Omuntu omuguya, aba yakyagha abo b'aguya. Era okusuutasuuta omuntu kumuleetera kuzikirira.

Ensambo 26:8

Okuta mu musiru ekitiibwa kuziramu makulu, ng'oti n'okusuula eibaale mu nsuumulo ng'olisibiiremu.

Ensambo 29:12

Omufuzi awulirisa einho eby'obuguya, abakungu be boonaboona baba babi.

Ensambo 29:5

Omuntu asuutasuuta mwine, aba ali kumutega mutego.

Ezekieli 18:24

“Aye omuntu omutuufu bw'akyuka n'alekera okukola ebituufu, naakola ebibi, era n'akola ebyenhinhalwa byonabyona abantu ababi bye bakola, mulowooza muti aliba mulamu? Busa naire! Ghazira naire ekirala ku bikolwa bye eby'obutuufu bye yakola, kiriidhukirwa. Era alifa olw'obutaba mwesigwa, n'olw'ebibi by'akola.

Danieli 11:32

Kyabazinga oyo aliwooyawooya era yaasuutiriza abo abaava eira ku kusinza Katonda. Aye abo abaidhi Katonda waibwe obukalamu, balisigala nga bagumu era beerwanaku.

Luka 11:25

Bwe gwira gujaagaana nga ndheye era ng'etegekeibwa bukalamu.

Amateeka Agokubiri 31:27

Ndidhi bukalamu nga bwe bali abadheemu era ab'empwitu. Kuba oba nga badheemera Musengwa Katonda mpegaano nga nkaali mulamu, memale olwo tibalisinzaagho kumudheemera nga mmaze okufa?

2 Petero 1:15

Ndidha kukola kyonakyona kye mpanga okubona nga ni bwe ndifa, ghalibaagho ekinaabaidhusanga ebintu bino ekiseera kyonakyona.

Abalamuzi 8:33

Gideoni nga yaakafa, Abaisiraeli baakyuka kabiri, bairamu obutaba beesigwa ye Katonda. Baasinzanga Baali, era baafuula Baali Berithi okuba omusambwa gwaibwe.