2 Ebyomubyanda 23:18 - Baibuli Ekibono kya Katonda 2014

¹⁸ Yehoiada yaagemya bakabona n'Abalevi omulimo ogw'okukolanga mu isinzizo lya Musengwa Katonda abo nga Daudi be yataagho mu isinzizo eryo, okughangayo eri Musengwa Katonda ebigheebwayo ebyokebwa, nga bwe kyaghandiikibwa mu Mateeka ga Musa. Era ekyo bakikolenga nga basagamba era nga bemba, nga Daudi oyo bwe yalagira.

2 Ebyomubyanda 23:18 ပူးပေါင်းရင်းမြစ်များ

1 Ebyomubyanda 23:25

Daudi yaakoba ati: “Musengwa Katonda wa Isiraeli aghaire abantu be emiraala, era ni mwene yeena aidha kubanga mu Yerusalemu ebyanda n'ebyanda.

2 Ebyomubyanda 29:25

Yaata Abalevi mu isinzizo nga bagemye n'ebide, n'entongooli, n'endingidi, ng'ajiira ku kiragiro Musengwa Katonda kye yagha kyabazinga Daudi, ng'abita mu Gadi omulanzi wa kyabazinga ni Nathani omulanzi.

2 Ebyomubyanda 29:27

Agho Hezekia yaabalagira bagheeyo ekigheebwayo ekyokebwa ku alutaari. Era omukolo ogw'ekigheebwayo bwe gwatoolera, abantu baatoolera okwembera Musengwa Katonda, n'okufuuwa amagwala, n'okukuba ebivuga bya kyabazinga Daudi owa Isiraeli.

2 Ebyomubyanda 29:30

Kyabazinga Hezekia n'abakungu be baalagira Abalevi okwemba enhembo edhisaaka Musengwa Katonda, edhaayiiyizibwa Daudi ni Asafu omulanzi. Baayemba enhembo edhisaaka nga basangaavu, era baakuba amakiryaivu, baasinza.

2 Ebyomubyanda 30:27

Agho bakabona n'Abalevi baasituka, baasabira abantu enkabi. Katonda yaawulira amamiro gaibwe, yaasiima okusaba kwaibwe mu kifo kye ekitukuvu y'aba mu igulu.

2 Ebyomubyanda 35:2

Kyabazinga yaataagho bakabona okukolanga emirimo mu isinzizo, era yaabakubirizanga okugikolanga obukalamu.

2 Ebyomubyanda 5:5

baagitwala mu isinzizo. Era bakabona nga bali ghalala n'Abalevi abo, baatwala n'Eweema ey'Okwagaananirangamu ni Musengwa Katonda, ghalala n'ebintu byonabyona ebitukuvu ebyali mu Weema eyo, byona baabitwala mu isinzizo.

2 Ebyomubyanda 7:6

Bakabona baayemerera mu bifo byaibwe. N'Abalevi boona baayemerera nga balingagaine ni bakabona abo, nga bagemye ebivuga Daudi bye yakola okusaakirangaku Musengwa Katonda era baabikozesa mu lwembo Daudi oyo lwe yabeegeresa olw'okwebaza Musengwa Katonda, olw'okuba okugonza kwe tikukoma, kubaagho byanda na byanda. Bakabona baafuuwa amagwala nga n'Abaisiraeli boonaboona beemereire.

Ezera 6:22

Baakola embaga ey'Ekibinuko eky'Emigaati Egitazimbulukusiibwa okumala enaku musanvu nga basagamba kuba Musengwa Katonda yakyusa omwoyo gwa kyabazinga ow'e Assiria, yaamuleetera okuyamba Abaisiraeli abo ku mulimo ogw'okuzimba eisinzizo lya Katonda oyo owa Isiraeli.