2 Ebyomubyanda 23:15 - Baibuli Ekibono kya Katonda 2014

¹⁵ Agho baagema Athalia, baamutwala ku gwetebwa Omulyango ogw'Embalaasi ku kisaagaati kya kyabazinga, baamwitira eyo.

2 Ebyomubyanda 23:15 ပူးပေါင်းရင်းမြစ်များ

1 Bakyabazinga 18:40

Agho Eliya yaabakoba ati: “Mugeme abalanzi ba Baali, ghalobe kubaagho alumukagho waire omulala.” Kale baabagema. Eliya yaabaserengesa ku kaiga Kishoni, yaabaitira eyo.

2 Ebyomubyanda 22:10

Agho Athalia inhina wa kyabazinga Ahazia bwe yabona nga mutabane we oyo bamwise, yaasitukiramu, yaazikiriza ab'oku lulyo olulangira boonaboona.

2 Ebyomubyanda 23:14

Yehoiada kabona yaayeta abaduumizi b'eigye, yaabakoba ati: “Mutamwitira mu isinzizo. Aye mumufulumye nga mumubikiza mu nhiriri dh'abaisirukale, era omuntu yeenayeena agezaaku okumuwonia mu nhiriri, mumwite bwite.”

Nehemia 3:28

Ghaabaagho bakabona abaalongoosa ekitundu ekyairaku ku kimante ekyo, okuva eitale ku Mulyango ogw'Embalaasi, nga buli muntu alongoosa ekitundu ku kimante ekyo ekiringiriire endhu ye.

Zabbuli 5:6

Ozikiriza abo boonaboona abaguya waakyagha abaisi n'abaghaayiriza.

Zabbuli 55:23

Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

Yeremia 31:40

Ekiiko kyonakyona kye baziikamu abafu era kye basuulamu n'ebikaba, n'enimiro dhoonadhoona okutuuka ku kaiga Kiduroni n'okutuuka ku gwetebwa Omulyango ogw'Embalaasi mu buvandhuba, biidha kubanga byange era nga bitukuvu. Ekibuga tikiriiramu kabiri kumenhebwagho waire okuzikirizibwa.”

Okubala 35:33

Kale ni mutayonoonanga nsi ye mubaamu, kuba obutemo bwonoona ensi. Era ezira ky'oghanga kukola okufunisa ensi ekisonigho olw'obutemo obwo obugikoleirwamu, okutoolaku okwita oyo eyatemula.

Matayo 7:2

kuba nga bwe musalira abandi omusango, mwena bwe gulibasalirwa, era n'ekipimo kye munaapimirangamu banaimwe, mwena n'ekiribapimirwamu.

Yakobo 2:13

Mu kusala omusango Katonda taja kusaasira muntu oyo atasaasira ate okusaasira n'okusinga mu kusala emisango.

Abalamuzi 1:7

Adonibezeki oyo yaabakoba ati: “Bakyabazinga ensanvu be natemaku ebyala ebisaadha n'ebigere ebisaadha, baasolozanga obukunkumuka bw'emere ghansi gh'emeeza yange. Mpegaano Katonda aneesasuliizaaku olw'ekyo kye nabakola.” Agho baamutwala e Yerusalemu, yaafiira eyo.