2 Ebyomubyanda 23:14 - Baibuli Ekibono kya Katonda 2014

¹⁴ Yehoiada kabona yaayeta abaduumizi b'eigye, yaabakoba ati: “Mutamwitira mu isinzizo. Aye mumufulumye nga mumubikiza mu nhiriri dh'abaisirukale, era omuntu yeenayeena agezaaku okumuwonia mu nhiriri, mumwite bwite.”

2 Ebyomubyanda 23:14 ပူးပေါင်းရင်းမြစ်များ

2 Bakyabazinga 10:25

Yehu bwe yamala okughaayo ekigheebwayo ekyokebwa, yaakoba abakuumi n'abaduumizi ati: “Mwingire mubaite, ghalobe kubaagho alumuka kuwona waire omulala.” Kale baasowolayo empiima baabaita, emirambo baagisuula kuliya. Olwo abakuumi n'abaduumizi baingira mu kifo eky'omunda eky'eisabo lya Baali,

2 Bakyabazinga 11:15

Yehoiada tiyayenda Athalia bamwitire mu isinzizo lya Musengwa Katonda. Kale yaalagira abaduumizi b'eigye, ati: “Mumufulumye nga mumubikiza mu nhiriri dh'abaisirukale, era omuntu yeenayeena agezaaku okumutoola mu nhiriri, mumwite bwite.”

2 Bakyabazinga 11:8

Mwidha kwemerera nga mwezungulwire kyabazinga ku ndhuyi dhoonadhoona, buli muntu ng'agemye eby'okulwanisa bye. Omuntu yeenayeena anaaseetaku okumpi n'enhiriri dhaimwe nga mumwita. Mwidha kuba ghalala ni kyabazinga buli gh'anaajanga.”

2 Ebyomubyanda 23:13

Okuja okulinga ati, ng'abona kyabazinga ayemereire okumpi n'omulyango gha mpango agheemerera kyabazinga, ng'abaduumizi b'eigye n'abafuuyi ab'amagwala bamuli agho kumpi. Era ng'abantu boonaboona bali kusagamba nga bwe bafuuwa amagwala. N'abembi boona nga bali kukuba ebivuga byaibwe, nga bakulemberamu enhembo. Agho Athalia yaakanulamu ebivaalo bye olw'okunakughala, nga bw'akoba ati: “Mundiiremu olukwe! Mundiiremu olukwe!”

2 Ebyomubyanda 23:15

Agho baagema Athalia, baamutwala ku gwetebwa Omulyango ogw'Embalaasi ku kisaagaati kya kyabazinga, baamwitira eyo.

Okuvaayo 21:14

Aye omuntu anaalumbanga mwine mu bugenderevu, n'asala amagezi n'amwita, oyo ni bw'anaabanga ng'alumukiire ku alutaari yange okwewonia, anaatoolebwangayo yaitibwa.

Ezekieli 9:7

Era yaabakoba ati: “Mwonoone eisinzizo, era mwidhuze empya dhaalyo emirambo egy'abo be mwise. Muje mangu.” Kale baaja mangu, baita abantu mu kibuga.