2 Ebyomubyanda 23:11 - Baibuli Ekibono kya Katonda 2014

¹¹ Agho yaafulumya Yoashi, yaamuvaaza engule ey'obwakyabazinga, yaamugemya n'ekighandiiko ekirimu Amateeka, yaafuuka kyabazinga. Olwo Yehoiada oyo kabona ghalala ni batabane be, baasiiga Yoashi omuzigo, era baakoba bati: “Kyabazinga ghangaala!”

2 Ebyomubyanda 23:11 ပူးပေါင်းရင်းမြစ်များ

2 Samueli 1:10

Kale naaseeta naamwita, kuba bwenebwene nabaire ndidhi ng'olunaagwa ati, aidha kufa bufe. Kale naatoola engule eyabaire ku mutwe gwe n'ekikomo ekyabaire ku mukono gwe, biibino mbikuleeteire iwe musengwa wange.”

2 Samueli 16:16

Hushai Omuaraki, mukagwa wa Daudi, bwe yaja ye Abusalomu, yaakoba Abusalomu ati: “Ghangaala kyabazinga! Ghangaala Kyabazinga.”

2 Samueli 5:3

Kale abakulembeze mu Isiraeli baidha ye kyabazinga Daudi e Heburoni. Daudi oyo yaakola nabo endagaano mu maiso ga Musengwa Katonda, baamusiiga omuzigo okumufuula kyabazinga wa Isiraeli.

1 Bakyabazinga 1:25

Olwaleero luno lwene, ajiire yaaghaayo bino ng'omusengo: ente enume, ente entototo empiite ensavu n'entaama. Era ayese batabane bo boonaboona, ni Yoabu omuduumizi w'eigye, ni Abiathari kabona. Era bali eyo bali kulya era baanhwera mu maiso ge, nga bwe bakoba bati, ‘Ghangaala, kyabazinga Adoniya!’

1 Bakyabazinga 1:34

Zadoki kabona ni Nathani omulanzi bamusiigire eyo omuzigo, abe kyabazinga wa Isiraeli. Ekyo nga kiwoire, mwidha kufuuwa eigwala, mukobe muti, ‘Ghangaala kyabazinga Solomoni!’

1 Bakyabazinga 1:39

Nga bali eyo, Zadoki kabona yaaja mu Weema ey'Okwagaananirangamu ni Musengwa Katonda, yaatoolayo eiyiga ery'ensolo lye baatangamu omuzigo, yaatoolamu omuzigo, yaagusiiga Solomoni. Olwo baafuuwa eigwala, era abantu boonaboona baakoba bati: “Ghangaala kyabazinga Solomoni.”

2 Bakyabazinga 11:12

Agho Yehoiada yaafulumya Yoashi, yaamuvaaza engule ey'obwakyabazinga, yaamugemya n'ekighandiiko ekirimu Amateeka. Agho baasiiga Yoashi omuzigo, baamufuula kyabazinga, era baakuba mu ngalo nga bwe bakoba bati: “Kyabazinga ghangaala!”

2 Ebyomubyanda 22:11

Aye Yehosheba mughala wa kyabazinga Yoramu, ng'aba mwanhina Ahazia oyo era nga yafumbirwa Yehoiada kabona, yaawoniagho Yoashi owundi ku batabane ba Ahazia oyo. Yamutoola mu balangira abaali baja okwitibwa, ng'amwibagho, yaaja yaabagisa bombi n'omulezi we, mu kisenge ekisulwamu mu isinzizo mu nsambo eyo yaamuwonia Athalia okumwita.

2 Ebyomubyanda 23:10

Era yaataagho abantu boonaboona okukuuma kyabazinga, nga buli muntu agemye eby'okulwanisa bye okuva ku luuyi olw'omukono omusaadha olw'e buvandhuba w'eisinzizo, okutuuka ku luuyi lwalyo olw'omukono omugooda olw'e buvandhuba, n'okwezunguluza alutaari n'eisinzizo.

2 Ebyomubyanda 23:12

Athalia bwe yawulira okuleekaana okw'abantu abali kusagamba nga bwe basaaka kyabazinga, yaaja mu isinzizo abantu ye baali beesolokeiza.

Zabbuli 132:18

Abazigu be nja kubaswaza, aye obwakyabazinga bwe buja kusigala nga bukaaligho.”

Zabbuli 21:3

Wamuleetera enkabi edhitaloodheka, era waamuvaaza engule eya zaabu omukenenule.

Zabbuli 78:5

Yateeragho abantu ba Isiraeli amateeka, yaateeragho baidhukulu ba Yakobo ebiragiro yaakoba badhaadha baife beegeresenga ebyo abaana baibwe.

Zabbuli 89:20

Ntoire omugheereza wange Daudi naamufuula kyabazinga, nga mmusiiga omuzigo gwange omutukuvu.

Zabbuli 89:39

Osaziizaamu endagaano yo n'omugheereza wo, n'engule ye waagifuuta mu itaka.

Okuvaayo 25:16

Mu sanduuku omwo oidha kutaamu ekiidhukizo kye ndidha okukugha.

Okuvaayo 25:21

Ekyo nga kiwoire oidha kuta mu sanduuku eyo ekiidhukizo kye ndidha okukugha, era ote ekisandikiza kire ku ngulu okw'esanduuku eyo.

Okuvaayo 31:18

Katonda bweyamala okwogera ni Musa ku lusozi Sinai, yaamugha ebibaadho ebibiri eby'amabaale Katonda mwene bye yaghandiikaku amateeka.

Isaia 49:23

Bakyabazinga balibalabirira imwe ng'oti ni baiseimwe beene, ni bainhebantu ba bakyabazinga abo baabalabirira ng'oti ni bainhaimwe beene.” Balibakubira amakiryaivu, baakutama n'ebyeni byatuuka ku itaka, baakomba enkungu ku bigere byaimwe. Olwo mwamanha nga ninze Musengwa Katonda era mwamanha muti abaneesiga tibaliswazibwa.

Isaia 8:16

Imwe abeegeresebwa bange mugumire ku bye mbasikiriire era mukalangukire ku bye mbeegereisa.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Matayo 21:9

Eikuukuubira ery'abantu abaamukulemberamu n'abaamunonereza baaleekaana bati: “Hosanna mwidhukulu wa Daudi. Wa nkabi oyo aidha mu liina lya Musengwa, Hosanna mu igulu eyo.”

Abaheburayi 2:9

Aye tubona Yesu eyafuulibwa okubaaku ghansi gha bamalaika akaseera, olw'ekisa kya Katonda aghange okufiirira abantu boonaboona. Mperaano tumubona nga yavaazibwa engule ey'ekitiisa era yaagheebwa okutiibwa olw'okufa kwe.

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.

Okwolekebwa 19:12

Amaiso ge gaali gaaka ng'oti muliro, ate ku mutwe gwe nga kuliku engule kamaala. Era ng'aghandiikiibwaku eriina eritamanhiibwa muntu wundi okutoolaku mwene yenka.

Okwolekebwa 4:10

ng'abakulembeze amakumi abiri n'abana (24) beeyala mu maiso g'oyo atyaime ku kityamo eky'obwakyabazinga, baamusinza oyo omulamu ebyanda n'ebyanda. Era engule dhaibwe baadhiisa gha mberi gh'ekityamo nga bakoba bati:

Okwolekebwa 4:4

Okwezungulula ekityamo eky'obwakyabazinga ekyo, ghaaligho ebityamo ebindi eby'obwakyabazinga amakumi abiri na bina (24), nga kutyaimeku abakulembeze amakumi abiri na bana nga bali mu bivaalo ebyeru, era bavaire engule edha zaabu ku mitwe.

Okwolekebwa 5:10

Wabafuula obwakyabazinga era waabafuula bakabona ba Katonda waife ab'okufuga ku nsi.”

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.

1 Samueli 10:24

Agho Samueli yaakoba abantu boonaboona ati: “Muboine oyo Musengwa Katonda y'alonze? Ezira ayaga naye mu bantu boonaboona.” Abantu boonaboona baakuba emizira bati: “Kyabazinga ghangaala!”