2 Ebyomubyanda 21:20 - Baibuli Ekibono kya Katonda 2014

²⁰ Yatoolera okufuga ng'agheza emyaka amakumi asatu n'ebiri egy'obukulu, era yaafugira entangama ya myaka munaana mu Yerusalemu. Bwe yafa, ghazira muntu waire omulala ati eyawulira mule ng'amusaire. Agho baamuziika mu kyetebwa Ekibuga kya Daudi, aye ti mu lwambiidhi lwe baazikangamu bakyabazinga.

2 Ebyomubyanda 21:20 ပူးပေါင်းရင်းမြစ်များ

2 Bakyabazinga 8:24

Kale Yehoramu yaafa yeeyimba ku badhaadha be abaafa, era yaaziikibwa mu lwambiidhi ni badhaadha be abo, mu kyetebwa Ekibuga kya Daudi. Mutabane we Ahazia yaamusikira ku bwakyabazinga.

2 Ebyomubyanda 23:21

Agho abantu boonaboona baasagamba, ekibuga kyatereera, nga bamaze okwita Athalia.

2 Ebyomubyanda 24:16

Baamuziika mu kyetebwa Ekibuga kya Daudi, mu lwambiidhi lwa bakyabazinga, kuba yali akoleire Katonda n'eisinzizo lye ebirungi mu Isiraeli.

2 Ebyomubyanda 24:25

Abasiria bwe baagolola, baaleka Yoashi oyo nga bamufumiite inho ebibwa. Agho abagheereza be beene baamukolera olukwe, baamutemulira mu buliri bwe olw'okwita mutabane wa Yehoiada kabona. Kale yaafa, baamuziika mu kyetebwa Ekibuga kya Daudi, aye ti mu lwambiidhi lwa bakyabazinga.

2 Ebyomubyanda 26:23

Agho Uzzia oyo yaafa yeeyimba ku badhaadha be abaafa, era yaaziikibwa kumpi nabo, aye nga ti mu lwambiidhi lwa bakyabazinga, kuba abantu baakoba bati: “Ali n'endwaire ey'ebigenge.” Mutabane we Yothamu yaamusikira ku bwakyabazinga.

2 Ebyomubyanda 28:26

Ebindi byonabyona Ahazi bye yakola, n'empisa dhe dhoonadhoona, okuva mu mainhama okutuuka ku nkomerero, byaghandiikibwa mu Kitabo kya Bakyabazinga ba Buyudaaya n'aba Isiraeli.

2 Ebyomubyanda 28:27

Agho Ahazi yaafa yeeyimba ku badhaadha be abaafa, era yaaziikibwa mu kibuga Yerusalemu aye ti mu lwambiidhi lwa bakyabazinga. Mutabane we Hezekia yaamusikira ku bwakyabazinga.

2 Ebyomubyanda 33:20

Agho Manasse yaafa yeeyimba ku badhaadha be abaafa, era yaaziikibwa mu kisaagaati kye eky'obwakyabazinga. Mutabane we Amoni yaamusikira ku bwakyabazinga.

Ensambo 10:7

Omuntu omutuufu aidhukirwa nga wa nkabi, aye eriina ery'omubi lyerabirirwa irala.

Yeremia 22:18

Kale ni, Musengwa Katonda bino by'akoba ebigema ku Yehoiakimu mutabane wa Yosia, era kyabazinga wa Buyudaaya: “Tibalimulirira mbu, ‘Wo muganda wange!’ Oba mbu, ‘Wo mwanhinaze!’ Tibaligegenga mbu, ‘Wo musengwa wange!’ Oba mbu, ‘Wo kyabazinga wange!’

Yeremia 22:28

Agho naakoba nti: “Omusaadha ono Konia afuuse ng'oti nsugha eyamenheka ni bagisuula ere ng'eziraku agyenda? Eyo n'ensonga lwaki mwene n'abaana be baabingibwa baasuulibwa mu nsi ye bataidhi?”