2 Ebyomubyanda 21:17 - Baibuli Ekibono kya Katonda 2014

¹⁷ Baalumba ensi Buyudaaya baagighangula, baanhaga ebintu byonabyona mu kisaagaati kya kyabazinga. Baanhaga ni bakazi be, n'abaana be boonaboona, okutoolaku Yehoahazi omwana we omulenzi nkoma.

2 Ebyomubyanda 21:17 ပူးပေါင်းရင်းမြစ်များ

2 Bakyabazinga 10:13

yaayagaanana n'ab'endhu ya Ahazia eyali kyabazinga wa Buyudaaya. Yaababuuza ati: “Niimwe baani?” Baamwiramu bati: “Ife tuli ba ndhu ya Ahazia. Tuli kuja Yezireeli okulamusa ku baana ba Yezebeli inhebantu, era n'abalangira n'abambeedha abandi.”

2 Ebyomubyanda 22:1

Agho abantu b'omu Yerusalemu baataagho Ahazia, asembayo obuto mu batabane ba Yehoramu, yaasikira ise ku bwakyabazinga kuba ekikunsu eky'abalwani abaidha n'Abawarabu okulumba, kyali kimaze okwita abaana ba Yehoramu oyo abakulu boonaboona. Kale Ahazia mutabane wa Yehoramu kyabazinga wa Buyudaaya, yaatoolera okufuga.

2 Ebyomubyanda 22:6

Kyabazinga Yoramu oyo, yairayo e Yezireeli amale okuwona ebibwa Abasiria bye baamufumitira e Rama ng'alwanisa kyabazinga Hazaeli owa Siria. Agho kyabazinga Ahazia mutabane wa Yehoramu kyabazinga wa Buyudaaya, yaajaayo okumubona obulwaire.

2 Ebyomubyanda 24:7

Batabane ba Athalia, omukazi omubi oyo, baali bamenhie eisinzizo lya Katonda, baingira era baatoolamu ebintu byonabyona ebyagheebwayo okuba eby'eisinzizo lya Musengwa Katonda eryo, baabigha emisambwa Baali.)

2 Ebyomubyanda 25:23

Agho kyabazinga Yehoashi owa Isiraeli, yaagema kyabazinga Amazia owa Buyudaaya mutabane wa Yoashi era mwidhukulu wa Ahazia, ng'amugemera e Bethi Shemeshi. Yaamuleeta e Yerusalemu, era Yehoashi oyo yaamenha ekimante ekyezungulwire ekibuga Yerusalemu ekyo, okuva ku Mulyango gwa Efuraimu okutuuka ku Mulyango Ogwokunsonda obwo nga n'obuleeyi bwa mita ng'oti ebikumi bibiri.

Yoeli 3:5

Olw'okuba mwatoola feeza wange ni zaabu wange, mwatoola n'eby'obukombe byange, mwabitwala mu masabo gaimwe.

Amosi 1:6

Musengwa Katonda akoba ati: “Abantu ab'e Filisitia bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baatwala abantu ab'eighanga eiramba nga banhage, baabatunda mu Edomu babe abairu.