2 Ebyomubyanda 21:16 - Baibuli Ekibono kya Katonda 2014

¹⁶ Era Musengwa Katonda yaasiikuula obusungu bw'Abafilisiti n'obw'Abawarabu abaalinga nga baba kumpi n'Abaethiopia, yaabaleetamu omwoyo ogw'okulwanisa Yehoramu.

2 Ebyomubyanda 21:16 ပူးပေါင်းရင်းမြစ်များ

2 Samueli 24:1

Agho Musengwa Katonda kabiri yaasungughalira inho Abaisiraeli, yaaleetera Daudi okubatuusaaku akabi. Yaakoba Daudi ati: “Ja obale Abaisiraeli n'Abayudaaya.”

1 Bakyabazinga 11:11

Kale Musengwa Katonda kyeyava n'akoba Solomoni ati: “Nga bw'okoze ekyo, n'oloba okukuuma endagaano ye nakola n'iwe, era n'odheemera amateeka ge nakulagira, bwenebwene ndidha kukutoolaku obwakyabazinga, mbughe owundi ku bagheereza bo.

1 Bakyabazinga 11:14

Agho Musengwa Katonda yaasiikuula omulangira Hadadi ow'e Edomu, yaafuuka omuzigu wa Solomoni.

1 Bakyabazinga 11:23

Agho Katonda yaasiikuulira Solomoni omuzigu owundi, nga ni Rezori mutabane wa Eliada. Rezori oyo yalumuka ku musengwa we Hadadezeri, kyabazinga w'e Zoba.

2 Ebyomubyanda 17:11

Abandi ku Bafilisiti baaleetera Yehoshafati ebirabo era baamugha ni feeza ng'omusolo. Abawarabu boona baamugha entaama enume kasanvu na lusanvu (7,700), n'embuzi enume dhoona kasanvu na lusanvu (7,700).

2 Ebyomubyanda 22:1

Agho abantu b'omu Yerusalemu baataagho Ahazia, asembayo obuto mu batabane ba Yehoramu, yaasikira ise ku bwakyabazinga kuba ekikunsu eky'abalwani abaidha n'Abawarabu okulumba, kyali kimaze okwita abaana ba Yehoramu oyo abakulu boonaboona. Kale Ahazia mutabane wa Yehoramu kyabazinga wa Buyudaaya, yaatoolera okufuga.

2 Ebyomubyanda 26:7

Katonda yaamubeeraku okughangula Abafilisiti, n'Abawarabu abaabanga e Gurubaali, n'Abameuni.

2 Ebyomubyanda 33:11

Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

Ezera 1:1

Mu mwaka ogwasooka ogwa kyabazinga Kuro okufuga Perusia, Musengwa Katonda yatuukiriza ekyo kye yayogera ng'abita mu Yeremia omulanzi. Musengwa Katonda oyo yaleetera kyabazinga Kuro oyo okulangirira ekiragiro mu bwakyabazinga bwe bwonabwona, nga kighandiikiibwa kiti:

Ezera 1:5

Agho abakulu b'enda dha baiseibwe mu bika, ekya Yuda n'ekya Benjamini, ni bakabona, n'Abalevi abandi, na buli muntu yeenayeena Katonda ye yaleetera okwenda okuja, baasituka okuja okuzimba obuyaaka eisinzizo lya Musengwa Katonda mu Yerusalemu.

Yoeli 3:5

Olw'okuba mwatoola feeza wange ni zaabu wange, mwatoola n'eby'obukombe byange, mwabitwala mu masabo gaimwe.

Amosi 1:6

Musengwa Katonda akoba ati: “Abantu ab'e Filisitia bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baatwala abantu ab'eighanga eiramba nga banhage, baabatunda mu Edomu babe abairu.

Amosi 3:6

Eigwala eriraalika olutalo, lifuuyibwa mu kibuga abantu baaloba kutya? Akabi kagwa ku kibuga nga Musengwa Katonda ti n'akasindiike?

1 Samueli 26:19

Isebantu kyabazinga, mperaano ni nkweghemba owulire bye nja okukoba, nze omugheereza wo: Bw'aba nga Musengwa Katonda n'akuleeteire okundhiigania, ka mmusabe aganhe okumugha ekigheebwayo. Aye bwe baba nga bantu, abo Musengwa Katonda abakolimire kuba mperaano baaminze mu nsi ya Musengwa Katonda ey'ensikirano, bansindika mu nsi ey'endha okugheereza emisambwa!