2 Ebyomubyanda 21:13 - Baibuli Ekibono kya Katonda 2014

¹³ Aye weebisanga bubi nga bakyabazinga ba Isiraeli bwe baakolanga, waaleetera abantu b'omu Yerusalemu n'ab'omu Buyudaaya boonaboona okuva ku Musengwa Katonda, ng'oti ni Ahabu n'ab'endhu ye bwe baaleetera Abaisiraeli okuva ku Musengwa Katonda oyo. Era okwo waayongeraku n'eky'okwita baganda bo, abaana ba lata wo mwene, abaali abantu abakalamu okusinga n'iwe.

2 Ebyomubyanda 21:13 ပူးပေါင်းရင်းမြစ်များ

1 Bakyabazinga 16:25

Omuri oyo yaakola ebibi eri Musengwa Katonda, yaayonoona okusinga n'abaamusooka boonaboona.

2 Bakyabazinga 9:22

Yoramu bwe yabona Yehu, yaamubuuza ati: “Yehu, oidhie lwa miraala?” Yehu yairamu ati: “Miraala ki egisobola okubaagho, ng'okusinza ebitali Katonda n'obulogo ebya inhoko Yezebeli bikaaligho ebingi bityo?”

2 Ebyomubyanda 21:11

Ate n'ekindi, yazimba ebifo ebigulumivu eby'okusinzizaamu ku biketezo bya Buyudaaya eby'oku nsozi, yaaleetera abantu ab'omu Yerusalemu n'ab'omu Buyudaaya boonaboona, okwonoona eri Musengwa Katonda.

2 Ebyomubyanda 21:14

Kale ni bona eno, Musengwa Katonda aidha kuleeta endwaire embi einho egeme abantu bo, n'abaana bo, ni bakazi bo, era aidha kuzikiriza n'ebintu byo byonabyona.

2 Ebyomubyanda 21:4

Era Yehoramu oyo bwe baamala okumutyamya ku kityamo eky'obwakyabazinga bwa ise, n'amala n'okukakata ku bwakyabazinga obwo, yaita baganda be boonaboona, n'abandi ku bakungu mu Isiraeli.

2 Ebyomubyanda 21:6

Yafumbirwa mughala wa Ahabu, era yaakola ng'ab'endhu ya Ahabu oyo bwe baakola, yeebisa bubi nga bakyabazinga ba Isiraeli bwe baakola, yaakola ebibi ye Musengwa Katonda.

2 Ebyomubyanda 24:18

Baava ku kusinzizanga mu isinzizo lya Musengwa Katonda, Katonda wa badhaadha baibwe, baira ku kusinzanga omusambwa omukazi Ashera n'ebisinzibwa ebindi ebitali Katonda. Era Musengwa Katonda oyo yaasungughalira Buyudaaya ni Yerusalemu, olw'omusango gwaibwe ogwo.

Okuvaayo 34:15

Mubone nga timukola ndagaano na bantu be mulyagaana mu nsi ye muli kujaamu. Kuba abantu abo bwe baliba nga bali kusinza emisambwa gyaibwe era nga bali kugigha emisengo, balisobola okubeeta imwe mubeeyimbeku, era mulisobola okulya ku ebyo bye baliba baghaireyo ng'emisengo.

Isaia 26:21

Musengwa Katonda wuuyo ali kuva mu igulu y'aba, ng'aidha okubonereza abantu ku nsi olw'ebibi byaibwe. Abantu abaatemulwa mu ngiso balimanhibwa mu lwatu. Eitaka liriba tirikaasobola kugisa abo abaitibwa.

Habakkuku 2:12

Mukagwireku, imwe abazimba ekibuga mu ebyo bye mufuna mu kutemula, era ni mukibeesaagho mu ebyo bye mufuna mu kukola ebibi.

Amateeka Agokubiri 31:16

Musengwa Katonda yaakoba Musa ati: “Bona, oli kumpi kufa oje weeyimbe ku badhaadha bo. Aye ng'omaze okufa, abantu bano baidha kulekera agho okuba abeesigwa ye ndi. Baidha kumenha endagaano ye nakola nabo, banveeku, basinze emisambwa egy'omu nsi ye bali kuja okubangamu.

1 Yoanne 3:12

Tulobe kuba oti ni Kaini eyali owa Sitaani n'atemula muganda we. Ye lwaki yamutemula? Lwa kuba mwene bye yakolanga byalinga bibi ate nga ebya muganda we byali bituufu.