2 Ebyomubyanda 21:11 - Baibuli Ekibono kya Katonda 2014

¹¹ Ate n'ekindi, yazimba ebifo ebigulumivu eby'okusinzizaamu ku biketezo bya Buyudaaya eby'oku nsozi, yaaleetera abantu ab'omu Yerusalemu n'ab'omu Buyudaaya boonaboona, okwonoona eri Musengwa Katonda.

2 Ebyomubyanda 21:11 ပူးပေါင်းရင်းမြစ်များ

1 Bakyabazinga 11:7

Agho yaazimba ku lusozi oluli ku luuyi olw'e buvandhuba wa Yerusalemu, ekifo ekigulumivu eky'okusinzizaamu omusambwa Kemoshi ogw'Abamoabu ogwenhinhalwa, n'eky'okusinzizaamu omusambwa Moleki ogw'Abammoni, gwona era ogwenhinhalwa.

1 Bakyabazinga 14:16

Musengwa Katonda aja kulekulira agho Isiraeli olw'ebibi bya Yeroboamu bye yakola, n'ebyo bye yaleetera Abaisiraeli okukola.”

1 Bakyabazinga 14:9

Wakola ebibi okusinga boonaboona abaakusooka okufuga. Wanvaaku waaja weekolera emisambwa n'ebifaananie mu kyuma ekisaanuusiibwa, waabisinza, olwo wandeetera okusungughala.

2 Bakyabazinga 21:11

“Kyabazinga Manasse owa Buyudaaya akoze ebyenhinhalwa ebyo, era yaakola ebibi ebisinga ebyo byonabyona Abamori abaamusooka bye baakola. Mu nsambo eyo aleeteire n'ab'omu Buyudaaya okwonoona nga basinza ebitali Katonda bye yataagho.

2 Bakyabazinga 9:22

Yoramu bwe yabona Yehu, yaamubuuza ati: “Yehu, oidhie lwa miraala?” Yehu yairamu ati: “Miraala ki egisobola okubaagho, ng'okusinza ebitali Katonda n'obulogo ebya inhoko Yezebeli bikaaligho ebingi bityo?”

2 Ebyomubyanda 21:10

Kale Abaedomu batyo bwe baadheemera Buyudaaya ni ye buli eno. Era mu biseera byene ebyo, n'ab'omu kibuga Libuna boona baadheemera Yehoramu oyo, olw'okuba yava ku Musengwa Katonda, Katonda wa badhaadha be.

2 Ebyomubyanda 21:13

Aye weebisanga bubi nga bakyabazinga ba Isiraeli bwe baakolanga, waaleetera abantu b'omu Yerusalemu n'ab'omu Buyudaaya boonaboona okuva ku Musengwa Katonda, ng'oti ni Ahabu n'ab'endhu ye bwe baaleetera Abaisiraeli okuva ku Musengwa Katonda oyo. Era okwo waayongeraku n'eky'okwita baganda bo, abaana ba lata wo mwene, abaali abantu abakalamu okusinga n'iwe.

2 Ebyomubyanda 33:9

Aye Manasse yaasendasenda abantu b'omu Buyudaaya n'ab'omu Yerusalemu, yaabaleetera okukola ebibi okusinga n'abantu abamaghanga agandi bye baakola, Musengwa Katonda be yazikiriza ng'Abaisiraeli bali kumpi okutuuka yo.

Zabbuli 106:39

Batyo beene beereetaku okuba aboonoonefu olw'ebikolwa byaibwe ebyo, era baava ku Katonda.

Zabbuli 78:58

Basonsoonia Katonda baamusungughaza olw'ebifo byaibwe ebigulumivu bye baasinzizangamu era baamuleetera okuba n'enkikidi olw'ebifaananie ebibaadhe bye baasinzanga.

Okuvaayo 34:16

Era mulisobola okufunira batabane baimwe ku baghala baibwe okubabayira. Kale baghala baibwe abo bwe balitoolera okusinza bakatonda baibwe, ni batabane baimwe balisobola okubeeyimbaku boona baasinza bakatonda abo.

Isaia 65:7

olw'ebibi byaibwe ghalala n'ebya badhaadha baibwe kuba baaniokezanga obubbaani ku nsozi enene, era banvumiranga ku busozi obutono. Kale ni ndibabonereza, naabeesasuulizaaku nga njiira ku bye baakola. Nze Musengwa Katonda, ninze nkobye.”

Yeremia 3:8

Baabona nga mminga Abaisiraeli abo naabagha n'embaluwa ebabinga, olw'obutaba beesigwa ng'oti n'omukazi malaaya. Aye ab'e Buyudaaya abo baganda b'Abaisiraeli, tibaatya naire. Boona baaja buje, baafuuka abatali beesigwa ng'oti n'omukazi malaaya,

Ezekieli 20:28

Bwe nabatuusa mu nsi nze mwene ye neerayirira okubagha, ng'olwo buli ghe baabonanga akasozi akagulumivu oba omuti ogw'amakaba amangi amazibirivu, ng'agho bagheeragho emisengo gyaibwe. Ebigheebwayo byaibwe bye baagheeranga mu bifo ebyo, n'obuwoowo bwe baaniokezangayo, era n'ebigheebwayo eby'okunhwa bye baafukangayo, byansungughazanga busungughaze.

Ezekieli 23:11

“Waire muganda we Oholiba yabona ebyo, aye era yamala yaaba mubi n'okusinga Ohola oyo mu kwefuluguta n'abasaadha n'okukola obwamalaaya.

Danieli 3:15

Mpegaano ni, oba nga olunaawulira muti okuvuga okw'endeka, n'endere, n'endingidi, n'endongo, n'entongooli, n'ebivuga ebindi, munaaba beetegefu okweyala ghansi musinze ekiwumbe kya zaabu kye nakola, olwo ghazira kabi kaidha kubatuukaku. Aye bwe munaaloba okukisinza, baidha kubasuula mangu ago mu kikoomi ekiri kugeigera omuliro. Ghaligho katonda yeenayeena anaabawonia nabatoola mu buyinza bwange?”

Hosea 12:1

“Abaisiraeli bye bakola biziramu muganhulo. Kuli ng'oti n'okwaya empewo eva e buvandhuba, n'ogibingirira olunaku lwonalwona. Beeyongera bweyongere kuguya na kukola bikolwa bya bukambwe. Bakola endagaano ni Assiria, era baasuubulagana ni Misiri.”

Hosea 4:15

Waire nga imwe Abaisiraeli timuli beesigwa ye ndi, Abayudaaya bagwananga baaloba kugwa mu nsobi eyo. Mutajanga kusinziza mu Giligali waire okusinziza mu Bethaveni. Era mutalayiranga muti, ‘Nga Musengwa Katonda bw'ali omulamu.’

Abalevi 17:7

Kale Abaisiraeli tibaidha kwongeranga kuba batali beesigwa eri Musengwa Katonda, nga baghaayo emisengo gyaibwe eri emisambwa egiri ng'oti mbuzi. Eiteeka eryo banaalikuumanga enaku dhoonadhoona.’

Abalevi 20:5

Nze mwene ndyefuulira omuntu oyo n'ab'omu ndhu ye boonaboona, n'abo boonaboona abamweyimbaku mu butaba beesigwa ye ndi ni basinza Moleki. Ndirekera okubabalira mu bantu bange.

Habakkuku 2:15

Mukagwireku, imwe abakozesa obukambwe ku maghanga ge mwaghangula, ni mubaleetera okutagala ng'oti n'abatamiire, era ni baswala.

Amateeka Agokubiri 31:16

Musengwa Katonda yaakoba Musa ati: “Bona, oli kumpi kufa oje weeyimbe ku badhaadha bo. Aye ng'omaze okufa, abantu bano baidha kulekera agho okuba abeesigwa ye ndi. Baidha kumenha endagaano ye nakola nabo, banveeku, basinze emisambwa egy'omu nsi ye bali kuja okubangamu.