2 Ebyomubyanda 21:10 - Baibuli Ekibono kya Katonda 2014

¹⁰ Kale Abaedomu batyo bwe baadheemera Buyudaaya ni ye buli eno. Era mu biseera byene ebyo, n'ab'omu kibuga Libuna boona baadheemera Yehoramu oyo, olw'okuba yava ku Musengwa Katonda, Katonda wa badhaadha be.

2 Ebyomubyanda 21:10 ပူးပေါင်းရင်းမြစ်များ

1 Bakyabazinga 11:31

Yaakoba Yeroboamu ati: “Twalaku ebitundu ikumi ku ebyo, kuba Musengwa Katonda, Katonda wa Isiraeli akoba ati, ‘Ndidha kutoola obwakyabazinga ku Solomoni nkugheeku ebika ikumi.

1 Bakyabazinga 11:33

Ndidha kukola ntyo, kuba Solomoni oyo yanvaaku yaasinza omusambwa omukazi Ashitorethi ogw'Abasidoni, n'omusambwa Kemoshi ogw'Abamoabu, n'omusambwa Milikomu ogw'Abammoni. Yandheemera yaakola ebibi, yaaloba kugema mateeka na biragiro byange, nga lata we Daudi bwe yakolanga.

2 Bakyabazinga 19:8

Agho omukungu oyo Omuassiria yaawulira nga kyabazinga w'ewaibwe aviire e Lakishi, era ng'ali kulwanisa ab'omu kibuga Libuna, kale ni n'okuja y'ali.

2 Ebyomubyanda 13:10

Aye ife, Musengwa Katonda oyo ni Katonda waife era titumuvangaku naire. Bakabona be tuli nabo, abamugheereza, ba ku lulyo lwa Aaroni, era bayambibwaku Abalevi.

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

2 Ebyomubyanda 21:11

Ate n'ekindi, yazimba ebifo ebigulumivu eby'okusinzizaamu ku biketezo bya Buyudaaya eby'oku nsozi, yaaleetera abantu ab'omu Yerusalemu n'ab'omu Buyudaaya boonaboona, okwonoona eri Musengwa Katonda.

2 Ebyomubyanda 21:8

Mu biseera bya Yehoramu oyo, Abaedomu baadheemera Buyudaaya, beeteeragho obwakyabazinga obwaibwe.

2 Ebyomubyanda 21:9

Agho Yehoramu n'abaduumizi be, ng'ali ghalala n'ebigaali bye eby'omu lutalo byonabyona, baaja baalumba ensi Edomu. Eigye ery'Abaedomu lyabazingiza okubeezunguluza. Agho mwene ghalala n'abaduumizi b'ebigaali bye eby'omu lutalo, baasituka obwire, baasobola okughaguza era baaja.

2 Ebyomubyanda 28:6

Peka oyo mutabane wa Remalia yaita mu Bayudaaya abantu emitwalo ikumi n'ebiri (120,000) mu lunaku lulala, olw'okuba baava ku Musengwa Katonda, oyo Katonda wa badhaadha baibwe. Abantu abo boonaboona baali abasaadha abaziramu ntete.

Isaia 1:28

Aye alizikiriza abo abamudheemera n'abo abakola ebibi, era yaasaaniagho abo abamuvaaku.

Yeremia 2:13

Kuba abantu bange bakoze ebintu ebibi bibiri: banvaaku nze, ali ng'oti n'ensulo ey'amaadhi ag'obulamu, beesimira ebidiba ebiwomofuwomofu, ebitasobola kukuuma maadhi.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Amateeka Agokubiri 31:17

Olwo ndibasungughalira, naabalekulira agho era naabeegisaaku, baazikirizibwa. Ebizibu n'okudaazibwadaazibwa okungi biribaidhira. Olwo baategeera ng'ebyo byonabyona bibatuuseeku, lwa kuba nze Katonda waibwe tikaali ghalala nabo.

Amateeka Agokubiri 32:21

Bandeetera okuba n'enkikidi nga basinza ebitali nze Katonda, bansungughaza nga beesiga ebisinzibwa ebitali nze Katonda. Kale, zeena ndidha kubasaaliza nga numirwa abatali bantu bange. Ndidha kubasungughaza nga ngonza eighanga ery'abaziramu magezi.

Yoshua 10:29

Ebyo bwe byawa, Yoshua n'abasaadha be abalwani boonaboona, baava e Makkeda, baaja okughamba ekibuga Libuna.

Yoshua 21:13

Heburoni ekyo n'ekindi ku bibuga ebyalondebwa okulumukirangamu ole aise omuntu nga tagendereire. Ku ekyo Abalevi baayongerezebwaku ebibuga bino: Libuna,

Abalamuzi 10:13

Aye mwanvaaku mwasinza bakatonda abandi. Kale, tija kwirayo kubanunula.