2 Ebyomubyanda 20:6 - Baibuli Ekibono kya Katonda 2014

⁶ Yaasaba ati: “Wo Musengwa Katonda, Katonda wa badhaadha baife, iwe oba eyo mu igulu waafuga obwakyabazinga obw'amaghanga goonagoona. Oli n'obuyinza n'amaani, era ghazira asobola kukutakania.

2 Ebyomubyanda 20:6 ပူးပေါင်းရင်းမြစ်များ

1 Bakyabazinga 8:23

Yaakoba ati: “Wo Musengwa Katonda wa Isiraeli, ezirayo katonda ali ng'oti niiwe, k'ebe ghaigulu mu igulu oba ghansi ku nsi; kuba iwe okuuma endagaano y'okola n'abantu bo era waabagonza obutalekera, kasita bagumira ku iwe n'omwoyo gwaibwe gwonagwona.

1 Bakyabazinga 8:30

Wulirisanga bye nnaakusabanga nze omugheereza wo, era n'abantu bo Abaisiraeli bye banaakusabanga nga balingiriire ekifo kino. Bwenebwene tuwulirisenga ng'oli mu igulu eyo y'oba, era otusonighenga ng'otuwuliire.

1 Ebyomubyanda 29:18

Wo Musengwa Katonda wa badhaadha baife, Aburahamu, Isaaka, ni Isiraeli, kuumanga buliidho enkola ey'okwevaamu eri ng'oti n'eyo mu bantu bo, era okuumenga emyoyo gyaibwe nga gigumiire ku iwe.

2 Ebyomubyanda 20:5

Agho Yehoshafati yaayemerera mu maiso g'abantu b'omu Buyudaaya n'ab'omu Yerusalemu abaali beesololeiza emberi gh'oluya oluyaaka olw'eisinzizo.

2 Ebyomubyanda 25:8

Aye bw'obona ng'abo n'abanaakuleetera okuba ow'amaani mu lutalo, ja nabo. Aye Katonda aidha kukukuba enume y'ekigwo mu maiso g'abazigu bo, kuba Katonda oyo ali n'obuyinza obw'okubeera omuntu n'aghangula, era yaaba n'obw'okumuleka ni bamughangula.”

2 Ebyomubyanda 5:14

nga bakabona tibakaasobola kusigalamu kukola gwa bugheereza olw'ekire ekyo, kuba ekitiisa kya Katonda kyabuna woonawoona mu isinzizo.

2 Ebyomubyanda 6:14

Yaakoba ati: “Wo Musengwa Katonda, iwe Katonda wa Isiraeli, ezirayo katonda ali ng'oti niiwe, k'ebe mu igulu oba ku nsi; kuba iwe okuuma endagaano y'okola n'abantu bo era waabagonza obutalekera, kasita bagumira ku iwe n'omwoyo gwaibwe gwonagwona.

Yobu 9:4

Katonda mugezi era wa maani. Naani aghanga okumwetantala? Ghazira aghanga kwetantala Katonda.

Zabbuli 115:3

Ife Katonda owaife ali mu igulu era ky'ayenda ky'akola.

Zabbuli 46:11

Musengwa Katonda afuga amagye ali n'ife; Katonda wa Yakobo n'omukuumi waife.

Zabbuli 47:2

Kuba Musengwa Katonda oyo Ali Ghaigulu Yeene agheebwa ekitiisa. Oyo ni kyabazinga omukologho afuga ensi yoonayoona.

Zabbuli 47:8

Katonda atyama ku kityamo kye ekitukuvu eky'obwakyabazinga, yaafuga amaghanga goonagoona.

Zabbuli 54:1

Wo Katonda wange, ndokola olw'obuyinza bwo, era omponie abo abampaghabira.

Zabbuli 62:11

Nkiwuliire emikuzi egisinga mu mulala nga Katonda akoba ati ni mwene buyinza,

Okuvaayo 3:6

Era yeeyongera okumukoba ati: “Ninze Katonda wa lata wo, Katonda wa Aburahamu, Katonda wa Isaaka era Katonda wa Yakobo.” Musa yeeghemba mu maiso ng'ali kutya okulinga ku Katonda.

Isaia 14:27

Musengwa Katonda Afuga Amagye ekyo ky'ategeike, era ghazira asobola kukirobera. Buti amaze okugalula omukono gwe okubonereza, era ghazira asobola kugwizaayo.

Isaia 66:1

Musengwa Katonda akoba ati: “Eigulu n'ekityamo kyange eky'obwakyabazinga, ate ensi, kwe nta ebigere byange. Kale mulinzimbira ndhu nabaki? Era kifo ki mwe ndiwuumulira?

Yeremia 49:19

Ng'empologoma bw'evaayo mu kibira ekizibirivu ekiri ku mbali kw'omwiga Yorudani n'eja n'erumba ebyayiro by'ensolo ebirungi, zeena ntyo bwendiidha okuzindula Abaedomu, balumuke bave mu nsi yaibwe. Olwo omuntu ye ndirondagho n'alifuga eighanga eryo. Naani asobola okwegeza ku nze? Naani asobola okuneesonsaaku? Era mufuzi ki asobola okuntakania?

Danieli 4:17

Ekyo n'ekibonerezo ekyasalibwagho, ni kirangirirwa bamalaika abakuumi abatukuvu. Olwo abantu boonaboona eyo ye bali, basobole okumanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha y'ayenda yeenayeena, ni bw'aba nga n'asingamu okuba omuwombeefu mu boonaboona.’ ”

Danieli 4:25

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, n'omusulo oguva ku igulu gukukubenga obole, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Matayo 6:13

Totutwala mu kulebwa, aye tulokole mu bubi.’

Matayo 6:9

Agho ni musabanga muti: ‘Iseife ali mu igulu, eriina lyo litiibwe.

Ebikolwa by'Abatume 11:17

Kale ni oba nga Katonda yabagha ekirabo n'ekirala nga twena bwe yakitugha bwe twaikiriza Musengwa Yesu Kurisito, ninze ani eyandighanze okulobera Katonda.”

Ab'e Roma 9:19

Agho mwidha kunkoba muti, oba nga kiri kityo, lwaki Katonda anenia omuntu? Naani asobola okulobera Katonda ky'ayenda?

Amateeka Agokubiri 4:39

Kale ni mukimanhe olwaleero era mukikuume mu myoyo gyaimwe muti Musengwa Katonda, ni Katonda mu igulu ni mu nsi. Ezirayo wundi.

Yoshua 2:11

Bwe twawulira ekintu ekyo twatya inho era twawaamu n'amaani olwaimwe, kuba twidhi nga Musengwa Katonda waimwe, ni Katonda ow'eigulu ghaigulu era ow'ensi ghansi.