2 Ebyomubyanda 20:29 - Baibuli Ekibono kya Katonda 2014

²⁹ Abantu ab'omu bwakyabazinga obw'ensi dhoonadhoona bwe baawulira nga Musengwa Katonda alwaniisa abazigu ba Isiraeli, baatya inho Katonda oyo.

2 Ebyomubyanda 20:29 ပူးပေါင်းရင်းမြစ်များ

Amainhama 35:5

Yakobo n'abaana be bwe baatoolera okutambula, entiisa enene yaagema ab'omu bibuga ebibeezungulwire, baaloba kubalumba.

2 Bakyabazinga 7:6

kuba Musengwa Katonda yaaleetera ab'eigye lya Siria okuwulira okupakalana okw'ebigaali eby'omu lutalo, n'okugabbalya okw'ebigere by'embalaasi, nga kuli ng'oti kwa igye inene. Kale beekobaana beene na beene bati: “Bona, kyabazinga wa Isiraeli apangiisa bakyabazinga ab'Abahitti n'ab'Abamisiri okwidha okutulwanisa!”

2 Ebyomubyanda 14:13

Asa n'abantu be yali nabo baababingirira okutuuka e Gerari. Abaethiopia kamaala inho baitibwa, eigye lyaibwe nga tirikaasobola kwesoloza ghalala kulwana, kuba Musengwa Katonda yabaghangula yaabamala amaani n'eigye lye. Abayudaaya baatwala omunhago mungi inho.

2 Ebyomubyanda 14:14

Baazikiriza ebibuga byonabyona ebyetooloire Gerari, kuba abantu baayo Musengwa Katonda yabaleetera okutya. Baanhagulula ebibuga ebyo byonabyona, kuba byalimu ebintu kamaala eby'okunhaga.

2 Ebyomubyanda 17:10

Musengwa Katonda yaata okutya mu bantu b'obwakyabazinga bwonabwona obwali bwetooloire Buyudaaya, baaloba kutanulagho lutalo lwonalwona ku Yehoshafati.

2 Ebyomubyanda 20:28

Bwe baatuuka e Yerusalemu, baaja mu isinzizo nga bali kukuba entongooli n'endingidi, eno nga bwe bafuuwa n'amagwala.

Zabbuli 76:8

Waba mu igulu waalangirira ensala yo, ensi yaatya era yaasiriikirira,

Okuvaayo 14:14

Musengwa Katonda aja kubalwanirira, kale imwe musirike busirike.”

Okuvaayo 14:25

Yaaleetera enkede edh'ebigaali byaibwe eby'omu lutalo okwesiba, byaloba kutambula bukalamu. Abamisiri baakoba bati: “Musengwa Katonda ali kulwaniragho Abaisiraeli. Mukole tuve ghano tubalumuke.”

Okuvaayo 23:27

“Ndidha kuleeteranga abazigu abanaabanga emberi ye muja okutya einho, era ndeetengagho okutabukatabuka mu bantu abagezaaku okubalwanisa. Abazigu baimwe boonaboona baidha kukyukanga babalumuke.

Yoshua 5:1

Bakyabazinga boonaboona Abamori abaali e buvandhuba wa Yorudani, ni bakyabazinga boonaboona Abakanaani ab'ebiketezo ebituuka ku Nhandha Eyaghagati, bwe baawulira nga Musengwa Katonda yakaliza Abaisiraeli omwiga Yorudani okutuusa bwe baamala okugusala nga mukalu, emyoyo gyabawaamu era boonaboona baawaamu amaani olw'okutya Abaisiraeli.