2 Ebyomubyanda 20:28 - Baibuli Ekibono kya Katonda 2014

²⁸ Bwe baatuuka e Yerusalemu, baaja mu isinzizo nga bali kukuba entongooli n'endingidi, eno nga bwe bafuuwa n'amagwala.

2 Ebyomubyanda 20:28 ပူးပေါင်းရင်းမြစ်များ

2 Samueli 6:5

Daudi n'Abaisiraeli boonaboona baajanga nga bakina n'amaani gaibwe goonagoona mu maiso ga Musengwa Katonda. Baayemba nga bwe bakuba endingidi, n'entongooli, n'obugoma, n'ensaasi, n'ebide.

1 Ebyomubyanda 13:8

Daudi n'Abaisiraeli boonaboona baajanga nga bakina n'amaani gaibwe goonagoona mu maiso ga Katonda. Baayemba nga bwe bakuba endingidi, n'entongooli, n'obugoma, n'ensaasi, n'ebide, nga bwe bafuuwa n'amagwala.

1 Ebyomubyanda 23:5

enkumi eina yaabagha gwa kuba bakuumi ba miryango ate enkumi eina (4,000) abandi yaabagha gwa kusaakanga Musengwa Katonda nga bakozesa ebivuga kyabazinga bye yataagho olw'omulimo ogwo.

1 Ebyomubyanda 25:6

era n'eyakulemberanga batabane abo mu nhembo edh'omu isinzizo lya Musengwa Katonda, nga bakubiraku ebide, endingidi n'entongooli. Asafu, Yeduthuni, ni Hemani, baakolanga nga kyabazinga bwe yabalagiranga.

2 Ebyomubyanda 20:27

Agho Yehoshafati yaakulembera abantu boonaboona ab'omu Buyudaaya n'ab'omu Yerusalemu, bairayo e Yerusalemu nga basangaavu, kuba Musengwa Katonda yaghangula abazigu baibwe.

2 Ebyomubyanda 20:29

Abantu ab'omu bwakyabazinga obw'ensi dhoonadhoona bwe baawulira nga Musengwa Katonda alwaniisa abazigu ba Isiraeli, baatya inho Katonda oyo.

Zabbuli 149:3

Basaake eriina lye nga bakina, nga bakubiraku entongooli n'engoma.

Zabbuli 57:8

Iwe omwoyo gwange zuuka! Iwe entongooli yange, n'iwe endingidi yange muzuuke. Leero ndidha kuzuusa endhuba.

Zabbuli 92:3

eno nga bwe tukuuta endingidi era nga bwetusuna ebivuga eby'enkosi ebindi.

Zabbuli 95:1

Mwenamwena mwidhe twembere Musengwa Katonda, mwidhe tumukubire emizira oyo omukuumi era omulokozi waife!