2 Ebyomubyanda 20:16 - Baibuli Ekibono kya Katonda 2014

¹⁶ Olwaidho imwe muje mubalumbe. Mwidha kubabona nga bali kuniinaniina ghale aghaingirirwa mu Zizi, olwo mubaagaane ekiiko ghe kikoma, aghatandiikira eirungu ery'e Yerueli.

2 Ebyomubyanda 20:16 ပူးပေါင်းရင်းမြစ်များ

2 Ebyomubyanda 20:15

Yahazieli oyo yaakoba ati: “Isebantu kyabazinga Yehoshafati, n'imwe mwenamwena abantu ab'omu Buyudaaya ni mu Yerusalemu, muwulirise: Musengwa Katonda akoba ati, mutatya, era eigye lino einene litabamalamu maani, kuba olutalo luno ti niimwe mwidha okululwana, aye Katonda mwene n'aidha okululwana.

2 Ebyomubyanda 20:17

Tikiidha kubeetaagisa imwe kulwana lutalo luno. Imwe mwetegeke, mwemerere bwemerere, olwo mubone obughanguzi Musengwa Katonda bw'anaabagha. Imwe abantu ab'omu Buyudaaya n'ab'omu Yerusalemu, mutatya era mutawaamu maani. Olwaidho imwe muje mubalumbe, Musengwa Katonda aidha kuba ghalala n'imwe.”

Yoshua 11:6

Musengwa Katonda yaakoba Yoshua ati: “Abo otabatya kuba ndidha kubaita boonaboona, idho ku saawa ng'oti ni dhino banaaba bafiire. Embalaasi dhaibwe mwidha kudhisala eminho, n'ebigaali byaibwe eby'omu lutalo mubyokye.”