2 Ebyomubyanda 20:13 - Baibuli Ekibono kya Katonda 2014

¹³ Mu kiseera n'ekirala ekyo, abasaadha boonaboona ab'omu Buyudaaya baali beemereire agho ni bakazi baibwe, n'abaana baibwe.

2 Ebyomubyanda 20:13 ပူးပေါင်းရင်းမြစ်များ

2 Ebyomubyanda 20:12

Wo Katonda waife, babonereze, kuba ife tuzira maani ga kulwanisa igye inene lino eritulumbye. Titwidhi kya kukola, aye tulingiriire ku iwe.”

2 Ebyomubyanda 20:14

Agho omwoyo gwa Musengwa Katonda gwaidha ku Mulevi eyali mu bantu abaali beesololeiza agho. Omulevi oyo ng'ayetebwa Yahazieli mutabane wa Zekaria, Zekaria mutabane wa Benaia, Benaia mutabane wa Yeieli, Yeieli mutabane wa Mattania, owundi ku baana ba Asafu.

Ezera 10:1

Ezera bweyali ng'ali kusaba bw'ayatula ebibi, eno nga bw'alira amaziga ng'akubye amakiryaivu gha mberi gh'eisinzizo lya Katonda, eikuukuubira ery'Abaisiraeli abasaadha n'abakazi n'abaana abato, lyesololeza gh'ali. Boonaboona nga bali kulira inho amaziga.

Yoeli 2:16

Musololeze ghalala abantu, beetukuze nga beetegekera okusinza. Mwete abantu abakulu, n'abaana abato, era n'abayonka. N'abagole abaakafumbiraganwa, boona bave mu bisenge byaibwe baidhe.

Yona 3:5

Abantu ab'e Nineve baikiriza obukwenda bwa Katonda, era baalangirira buli muntu okusiiba endhala okuviira irala ku babbede okutuukira irala ku basembayo ghansi. Baavaala ekutiya okwoleka okwenenia kwaibwe.

Ebikolwa by'Abatume 21:5

Bwe twamalayo enaku edho, twavaayo twaja ku lugendo lwaife. Boonaboona ghalala n'abakazi baibwe, n'abaana baatugherekeraku baatufulumya mu kibuga. Twenatwena twakuba amakiryaivu ku mbali kw'enhandha twasaba.

Amateeka Agokubiri 29:10

“Olwaleero mwemereire mu maiso ga Musengwa Katonda waimwe mwenamwena: abakulu ab'ebika, n'abakulembeze, n'abakungu, n'abasaadha,

Amateeka Agokubiri 29:9

Kale ni mukuumenga n'obwegendereza ebibono ebiri mu ndagaano eno era mubituukirizenga. Olwo musobole okubanga n'enkabi mu byonabyona bye mukola.