2 Ebyomubyanda 2:15 - Baibuli Ekibono kya Katonda 2014

¹⁵ Kale ni tugheereze engaano, ni sayiri, n'omuzigo ogw'ebibala eby'emiti emyoliva, n'omwenge ogw'emizabbibu, bye wasuubiza.

2 Ebyomubyanda 2:15 ပူးပေါင်းရင်းမြစ်များ

1 Bakyabazinga 5:11

Era buli mwaka Solomoni yeena yaaghanga Hiramu kilo dh'engaano edhigheza obukaire bubiri n'emitwalo amakumi ana (2,400,000), n'omuzigo ogw'ebibala eby'emiti emyoliva omukenenule, ogugheza lita enkumi eina (4,000). Ebyo byonabyona nga byakuliisa ab'endhu ya Hiramu.

2 Ebyomubyanda 2:10

Abantu bo abatema emiti ndidha kubafunira kilo dh'engaano ye bamaze okukuba edhigheza obukaire bubiri n'emitwalo amakumi ana (2,400,000), n'edha sayiri dhoona nga dhigheza kilo obukaire bubiri n'emitwalo amakumi ana (2,400,000), n'elita dh'omwenge ogw'emizabbibu emitwalo amakumi ana (400,000), n'omuzigo ogw'ebibala eby'emiti emyoliva nga gwona gugheza lita emitwalo amakumi ana (400,000).”

2 Ebyomubyanda 2:16

Twidha kutema emiti gyonagyona gye weetaaga okuva mu Lebanoni, tugisibe mu binhwa, tugite ku nhandha giseeyeeye okutuuka e Yoppa. Eyo y'oligitoolera okugitwala e Yerusalemu.”

Ezera 3:7

Kale baaghaayo empiiya okusasulira abazimbisa amabaale n'ababaadhi. Baagha ab'e Sidoni n'ab'e Tiro emere n'eby'okunhwa, n'omuzigo ogw'ebibala eby'emiti emyoliva, batoole emiti emivule e Lebanoni nga bagiseeyeeyeza ku maadhi bagireete e Yoppa, nga kyabazinga Kuro ow'e Perusia bweyali amaze okubaikiriza.

Isaia 60:13

Abantu balireeta emiti egiva e Lebanoni, emisipuressi, emipulane, n'emyalumugi, baagizimbisa buyaaka eisinzizo lyange okuliwoomya, n'okugheesa ekibuga kyange ekitiisa.

Yona 1:3

Aye Yona yaalumuka okuva aghali Musengwa Katonda aje e Tarushishi. Agho yaaja e Yoppa, ye yayagaana eryato eryali liri kutegekebwa okuja e Tarushishi. Yaasasula empiiya edh'olugendo oluja e Tarushishi, yaaniina mu lyato aje nabo okutuuka ye baali bali kuja, alumuke okuva aghali Musengwa Katonda.

Yoshua 19:46

Meyarakoni, ni Rakkoni, era n'ekiketezo ekyezungulwire Yoppa.