2 Ebyomubyanda 19:4 - Baibuli Ekibono kya Katonda 2014

⁴ Agho Yehoshafati yaabanga mu Yerusalemu. Aye era yaavangayo emikuzi egindi, yaajanga mu bantu olw'okubaiza eri Musengwa Katonda, Katonda wa badhaadha baibwe, ng'aviira irala e Beerisheba okutuukira irala mu biketezo bya Efuraimu eby'oku nsozi.

2 Ebyomubyanda 19:4 ပူးပေါင်းရင်းမြစ်များ

Amainhama 21:14

Bwe bwakya enkyo, Aburahamu yaazuuka mu nkyo, yaamusibirira eby'okulya, yaamuteera n'amaadhi mu nsawo ey'oluwu, yaabigha Hagari. Era yaamuta n'omwana ku mugongo, memale yaamusiibula. Hagari yaaja ng'atambulatambula eyo atyo mu irungu ery'e Beerisheba.

Amainhama 21:33

Aburahamu yaasimba omuti omutamarisiki mu Beerisheba, era yaasinziza eyo Musengwa Katonda, Katonda oyo atawaagho.

Malaki 4:6

Oyo alireetera balata b'abaana okwisania n'abaana baibwe, olwo ndobe kwidha kuzikiriza nsi yaimwe.”

Matayo 25:16

Eyafuna talanta eitaanu yaja mangu ago yaadhisuubuza, yaazaazaamu talanta edhindi itaanu.

Luka 1:17

Alyembereramu Musengwa mu mwoyo n'amaani ng'oti n'Eliya bye yali nabyo, emyoyo gya badhaadha agiitukize mu baidhukulu, abadheemu abaize mu magezi ag'abatuufu, ateeregho atyo Musengwa abantu abeetegefu.”

Yoshua 17:15

Yoshua yaabairamu ati: “Oba nga muli kamaala era ng'ekiketezo ekya Efuraimu eky'ensozi tikibamala, muje musaaghe ebibira mu kiketezo ekirimu Abaperizzi n'Abarefa.”

Abalamuzi 19:1

Mu biseera ebyo, nga ghakaali kubaagho kyabazinga mu Isiraeli, ghaaligho Omulevi eyabanga eghala mu kiketezo eky'oku nsozi eky'e Efuraimu. Omulevi oyo yaafuna omukazi ow'embali mu Bethelehemu e Buyudaaya.

Abalamuzi 20:1

Agho Abaisiraeli boonaboona, okuva mu kiketezo kya Dani okutuuka e Beerisheba, n'okuva e Gileadi, beesoloza ghalala nga bali kitole mu maiso ga Musengwa Katonda e Mizipa.