2 Ebyomubyanda 18:34 - Baibuli Ekibono kya Katonda 2014

³⁴ Olutalo lwataama inho ku lunaku olwo. Kyabazinga wa Isiraeli baamugemerera bugemerere mu kigaali kye eky'omu lutalo okwolekera Abasiria. Yaamala yaafa eigulo eryo, ng'endhuba eri kugwa.

2 Ebyomubyanda 18:34 ပူးပေါင်းရင်းမြစ်များ

2 Ebyomubyanda 18:16

Mikaia yaakoba ati: “Mboine abaisirukale ba Isiraeli boonaboona nga basansaaniire eyo ku nsozi, ng'oti n'entaama edhiziraku mwayi. Musengwa Katonda yankoba ati, ‘Abantu abo baziraku mukulembeze. Leka buli muntu aireyo miraala mu maka ge.’ ”

2 Ebyomubyanda 18:19

Musengwa Katonda yaabuuza ati, ‘Naani anaasendasenda Ahabu okuja e Ramothi eky'e Gileadi, bamwite?’ Ono yaakoba kino, ate ole yaakoba kire.

2 Ebyomubyanda 18:27

Agho Mikaia yaakoba ati: “Bw'oiranga emiraala, nga koodhi Musengwa Katonda tayogereire mu nze.” Era yaayongeraku ati: “Imwe abantu mwenamwena, muwulire kye ndhogeire.”

2 Ebyomubyanda 18:33

Agho ghaabaagho omwisirukale Omusiria eyalasa akalaso ke eyo atyo, aye yaagemya kyabazinga wa Isiraeli, agho ekivaalo kye eky'omu lutalo eky'ekyuma ghe kyegaitira mu kifuba. Kyabazinga yaakoba omuvuzi w'ekigaali kye eky'omu lutalo ati: “Kyusa ekigaali ontoole mu lutalo, kuba banfumiite.”

2 Ebyomubyanda 19:1

Agho kyabazinga Yehoshafati owa Buyudaaya yaira miraala mu kisaagaati kye eky'obwakyabazinga e Yerusalemu.

Ensambo 13:21

Ebizibu bija nga binoonereza aboonooni, aye abatuufu baligheebwa ebirungi.

Ensambo 28:17

Omuntu bw'atemula mwine aba yeesimiire mwene amagombe amangu ago, era ghatabangagho amuyamba.

Okubala 32:23

Aye bwemutaakole mutyo, mukimanhe nti munaaba mukoze ekibi eri Musengwa Katonda, era nga bwenebwene muja kubonerezebwa olw'ekibi ekyo.