2 Ebyomubyanda 18:30 - Baibuli Ekibono kya Katonda 2014

³⁰ Kyabazinga wa Siria yali amaze okulagira abaduumizi b'ebigaali bye eby'omu lutalo, ati: “Mutalwanisa muntu wundi yeenayeena, k'abe omukulu oba omuto, okutoolaku kyabazinga wa Isiraeli yenka.”

2 Ebyomubyanda 18:30 ပူးပေါင်းရင်းမြစ်များ

Amainhama 19:11

Era baatuluwaza abasaadha, abato n'abakulu abaali ku luya ku lwigi, baaloba kulubona.

1 Bakyabazinga 20:42

Omulanzi yaakoba kyabazinga ati: “Musengwa Katonda akoba ati, ‘Nga bwe walekula omusaadha ye nalagira okwita, n'omuleka n'aja, obulamu bwo bw'oidha okusasuzaamu obubwe, n'abantu bo b'oidha okusasuzaamu ababe.’ ”

1 Bakyabazinga 22:31

Kyabazinga wa Siria yali amaze okulagira abaduumizi b'ebigaali bye amakumi asatu n'ebibiri eby'omu lutalo, ati: “Mutalwanisa muntu wundi yeenayeena, k'abe omukulu oba omuto, okutoolaku kyabazinga wa Isiraeli yenka.”

2 Ebyomubyanda 15:13

Era nga kiisi muntu aloba okusinza Musengwa Katonda, Katonda wa Isiraeli, omuntu oyo k'abe mukulu oba muto, k'abe musaadha oba mukazi, aba wa kwitibwa.

2 Ebyomubyanda 18:29

Ahabu yaakoba Yehoshafati ati: “Nze ndidha kuja mu lutalo nga neefuusiisafuusiisa ng'oti ndi muntu wundi, aye iwe oidha kuvaala ebivaalo byo eby'obwakyabazinga.” Kale baaja mu lutalo, nga kyabazinga wa Isiraeli yeefuusiisafuusiisa.

2 Ebyomubyanda 18:31

Agho abaduumizi b'ebigaali eby'omu lutalo abo bwe baabona kyabazinga Yehoshafati, baadhuuba bati ni kyabazinga wa Isiraeli, era baakyuka okumulwanisa. Aye Yehoshafati oyo bwe yayana einho, Musengwa Katonda yaamubeera, yaamubawonia.

Amateeka Agokubiri 1:17

Mutasalirizanga mu nsala yaimwe, muwulirisenga ensonga edh'abaavu n'edh'abakombe mu nsambo n'endala. Mutabangaku muntu yeenayeena ye mutiisa maiso, kuba emisango mugisala mu buyinza bwa Katonda. Era ensonga enaabanga ebalemye, mugireetenga ye ndi ngiwulire.’”