2 Ebyomubyanda 18:26 - Baibuli Ekibono kya Katonda 2014

²⁶ mubakobe muti, ‘Kyabazinga alagiire ati omusaadha oyo mumute mu ikomera, era mumughenga emere n'amaadhi nga mumupimiraku bupimire, okutuusa nga ndhize miraala.’ ”

2 Ebyomubyanda 18:26 ပူးပေါင်းရင်းမြစ်များ

2 Ebyomubyanda 16:10

Agho Asa yaasungughalira inho omulanzi oyo olw'ebyo bye yayogera, yaamugema yaamuta mu ikomera. Mu biseera n'ebirala ebyo, Asa oyo yaabisanga bubi n'obukambwe abantu abandi.

2 Ebyomubyanda 18:15

Aye Ahabu yaamukoba ati: “Nakukoba nti bw'obanga ng'oli kwogera ninze mu liina lya Musengwa Katonda, ogwaine oyogere mazima gonka. Oyenda nkwiraganemu ekintu ekyo mikuzi emeka?”

Zabbuli 10:5

Omukozi w'ebibi kiisi ky'agemaku kimulamira. Tafaayo ku nsambo Katonda y'asaliramu bantu misango, era abazigu be ababona ng'omuzira kantu.

Zabbuli 102:9

Nsiiba mu ivu era n'eryanfuukira emere, ate mu buli kye nhwa mwetabulamu amaziga ge ndira.

Zabbuli 80:5

Mu kifo ky'emere otuleetera nnaku, mu kifo ky'amaadhi otugha kikopo kiidhuvu eky'amaziga.

Ensambo 14:16

Omugezi asooka kwekengeera era yeesamba ebizibu, aye omusiru aghalambuka bughalambuke nga tafaayo.

Isaia 30:20

Waire Musengwa Katonda alibaleka mwabona ebizibu n'okudaazibwadaazibwa, aye era taliiramu kubeekwekaku. Mwene n'aliba Omwegeresa waimwe era nga mumubona bukalamu.

Yeremia 36:26

Agho yaalagira omulangira ayetebwa Yerahameeli ghalala ni Seraia mutabane wa Azarieli, ni Shelemia mutabane wa Abudeeli, batugeme nze n'omughandiisi wange Baruku. Aye Musengwa Katonda yaatugisa.

Yeremia 37:15

Abakungu bankambughalira, baalagira bankube, era bansibira mu ndhu ya Yonathani omughandiisi, kuba endhu eyo baali bagifiiremu ikomera.

Matayo 12:24

Aye Abafarisaayo olwakiwulira baakoba bati: “Ono emizimu emibi tagibinga na buyinza bundi, okutoolaku obwa Beelezebulu omukulu waagyo.”

Matayo 5:12

Musangaale era musagambe, kuba empeera yaimwe eri mu igulu nnene. Kuba batyo bwe baakiriga abalanzi abaabasooka.

Luka 23:2

Baatoolera okumughaghabira bati: “Ono twamwagaana ng'akiidhamya abantu b'eighanga lyaife ng'abakoba obutaghanga Kaisari musolo, era nga yeeyeta Kurisito, ekitegeeza kiti Kyabazinga.”

Ebikolwa by'Abatume 22:22

Abantu baamuwulirisa okutuusa bwe yayogera ekibono ekyo. Agho bainhama okwasiikana nga bakoba bati: “Mumutoolegho, kuba omuntu ng'oti n'oyo tagwaine kuba mulamu.”

Ebikolwa by'Abatume 5:18

baagema Abatume baabata mu ikomera ery'abantu boonaboona.

2 Ab'e Korintho 11:23

Abo bagheereza ba Kurisito? Nze mbasinga. Nga ndhogera ng'omulalu, mbasinga okukola einho. Nsibiibwa mu ikomera emikuzi kamaala okubasinga. Nkubiibwa emikuzi kamaala okubasinga, era emikuzi mingi naabulaku katono n'okufa.

Amateeka Agokubiri 29:19

Ghatabangagho awulira bibono bya ndagaano eno erimu okulayira, n'akoba mule ati: ‘Ndidha kuba bukalamu ni bwe nnaasigala nga tiri kujiira ku ndagaano eyo, nga neekolera byange.’ Okukola ekyo, kuba kuleetera abalungi n'ababi okuzikirira aghazira kubitiza.

Abaheburayi 11:36

Abandi baabakiina, baabakuba, baabasiba ku ndhegere era baabata mu ikomera.

Okwolekebwa 11:10

Abantu ab'oku nsi balisagamba baasangaala era baagheerezagania ebirabo olw'okufa kw'abalanzi abo bombi; kuba abo baaleetera abantu ab'oku nsi okudaagadaaga einho.

1 Samueli 25:21

Nga bakaali kwagaanana, Daudi yali amaze okukoba mule ati: “Obwo bwenebwene lwaki nakuuma ebintu by'omusaadha oyo byonabyona ebyali mu irungu, ni kutabulaku waire ekirala kiti? Ebirungi bye namukolera buti ali kubinsasulamu bibi?