2 Ebyomubyanda 18:22 - Baibuli Ekibono kya Katonda 2014

²² Mikaia yaamaliriza ng'akoba ati: “Kale ni Musengwa Katonda ataire omwoyo ogw'obuguya mu kanwa omw'abalanzi bo boonaboona, era iwe by'akwogeireku bya kabi.”

2 Ebyomubyanda 18:22 ပူးပေါင်းရင်းမြစ်များ

2 Ebyomubyanda 18:17

Kyabazinga Ahabu owa Isiraeli yaakoba Yehoshafati ati: “Tyakukobeire nti taidha kulanga bikalamu ku nze, okutoolaku ebibi!”

2 Ebyomubyanda 18:21

“Musengwa Katonda yaagubuuza ati, ‘Mu nsambo ki?’ “Omwoyo gwamwiramu guti, ‘Ndidha kuja ndhogeze abalanzi be boonaboona eby'obuguya.’ “Musengwa Katonda yaakoba ati, ‘Oidha kusobola okumusendasenda. Kale ja okole otyo.’ ”

2 Ebyomubyanda 18:7

Kyabazinga wa Isiraeli yaakoba Yehoshafati ati: “Ghakaaligho mulala ye tusobola okubitamu okwebuuza ku Musengwa Katonda. Oyo ni Mikaia, mutabane wa Imula. Aye timwenda naire, kuba talangangaku bikalamu ku nze, okutoolaku ebibi.” Yehoshafati yaakoba ati: “Kyabazinga, otakoba otyo.”

2 Ebyomubyanda 25:18

Ate kyabazinga Yehoashi owa Isiraeli yaagheereza kyabazinga Amazia owa Buyudaaya obukwenda ng'akoba ati: “Olukandwa olwali ku lusozi Lebanoni lwagheereza obukwenda eri omuvule ogwali ku lusozi olwo Lebanoni, nga lukoba luti, ‘Gha mutabane wange mughala wo amubayize.’ Agho ensolo ey'omu nsiko ey'oku lusozi Lebanoni bweyali ebita, yaatyankirira olukandwa olwo.

Yobu 12:16

Katonda wa maani era mughanguzi, ole ye baguya n'ole aguya, bombi bali mu buyinza bwe.

Okuvaayo 4:21

Era Musengwa Katonda yaakoba Musa ati: “Bw'otuuka e Misiri bona nti okolera mu maiso ga kyabazinga ebyewuunhio byonabyona nga bwendi kukugha obukumu okubikola, aye nja kukalangusa omwoyo gwe alobe kutya, era alobe kuleka bantu bange kuvaayo.

Isaia 19:14

Musengwa Katonda abaleeteire okugha abantu amagezi agabawubisawubisa, ekyo kyaleetera ab'omu Misiri okudaaliima mu byonabyona bye bakola, baaba ng'oti n'omutamiivu bw'atagalira mu biseseme bye mwene by'aseseime.

Isaia 3:11

Aye ababi bakagwireku! Ebyaibwe bibi, kuba byene bye baakolanga ku bandi, ni byene ebyo bye baidhanga boona okubakolaku.

Yeremia 18:11

Kale ni kobera abantu b'omu Buyudaaya n'ab'omu Yerusalemu, oti ndi kukola entegeka okubakolaku akabi, era neetegeike okubabonereza. Bakobe buli muntu alekere okukola ebibi, era akyuse empisa dhe n'ebikolwa bye ebibi.

Ezekieli 14:9

“Omulanzi bw'alimbibwa n'abaaku ni by'ayogera eby'obulimba, nze Musengwa Katonda mwene ninze mba mmulimbye, era ndigolola omukono gwange naamubonereza naamutoolayo mu bantu bange Abaisiraeli.

Mika 2:3

Musengwa Katonda kyava n'akoba ati: “Bona eno, ndi kuyiiya akabi ke nnaatuusa ku bantu imwe, era ghazira ghe mughanga kukawonera. Mwidha kweyagaana mu buzibu obutoogerekeka n'amalala gabaweemu.