2 Ebyomubyanda 18:16 - Baibuli Ekibono kya Katonda 2014

¹⁶ Mikaia yaakoba ati: “Mboine abaisirukale ba Isiraeli boonaboona nga basansaaniire eyo ku nsozi, ng'oti n'entaama edhiziraku mwayi. Musengwa Katonda yankoba ati, ‘Abantu abo baziraku mukulembeze. Leka buli muntu aireyo miraala mu maka ge.’ ”

2 Ebyomubyanda 18:16 ပူးပေါင်းရင်းမြစ်များ

2 Samueli 2:7

Mpegaano ni, mugume mulobe kubaamu ntete naire, kuba waire nga musengwa waimwe Saulo yafa, aye ab'endhu ya Yuda bansiiga omuzigo, banfuula kyabazinga waibwe.”

2 Samueli 5:2

Mu biseera ebyabita nga Saulo ni kyabazinga waife, niiwe owakulemberangamu eigye lya Isiraeli okuja mu ntalo. Agho Musengwa Katonda yaakukoba ati, ‘Oidha kukulemberanga abantu bange Abaisiraeli, obenga mufuzi waibwe.’ ”

1 Bakyabazinga 22:17

Mikaia yaakoba ati: “Mboine abaisirukale ba Isiraeli boonaboona nga basansaaniire eyo ku nsozi, ng'oti n'entaama edhiziraku mwayi. Musengwa Katonda yankoba ati, ‘Abantu abo baziraku mukulembeze, buli mulala leka aireyo miraala mu maka ge.’ ”

2 Bakyabazinga 10:3

mulonde omwisuka mulala ku baana ba musengwa waimwe abo, asinga baine boonaboona era agwaniire, mumufuule kyabazinga, mulwanirire ab'endhu ya musengwa waimwe.”

2 Ebyomubyanda 18:15

Aye Ahabu yaamukoba ati: “Nakukoba nti bw'obanga ng'oli kwogera ninze mu liina lya Musengwa Katonda, ogwaine oyogere mazima gonka. Oyenda nkwiraganemu ekintu ekyo mikuzi emeka?”

2 Ebyomubyanda 18:17

Kyabazinga Ahabu owa Isiraeli yaakoba Yehoshafati ati: “Tyakukobeire nti taidha kulanga bikalamu ku nze, okutoolaku ebibi!”

Ezekieli 34:8

Era nze Musengwa Katonda ndayira nti nga bwendi omulamu, mugwaine mute omwoyo ku bye ndi kubakoba. Entaama dhange dhaafuuka muyiigo era mere ya nsolo dha mu nsiko, olw'okubula omwayi. Abaayi be nadhitaaku baaloba okudhinoonia, aye baira bwa mu kweigusa beene nga tibadhirabirira naire.

Ezekieli 35:4

Ndizikiriza ebibuga byo, n'iwe mwene naakuleetera okusigala agho otyo ng'oli bifulukwa byereere. Olwo olimanha nga ninze Musengwa Katonda.

Zekaria 10:2

Abantu beebuuza ku misambwa, ni ku balaguzi, ni ku bavuunuzi b'ebirooto, aye bye babairamu bya buguya byereere era bizira kye bibayamba naire. Kale ekyo kyaleetera abantu okutambulatambula eyo batyo ng'oti ntaama edhibuze. Olwo baadaazibwadaazibwa olw'okubulwa omukulembeze.

Zekaria 13:7

Musengwa Katonda Afuga Amagye akoba ati: “Iwe empiima yange situkiramu, ja olumbe omwayi wange andhayira entaama. Ita omwayi oyo entaama dhisansaane. Nze mwene ndirumba abantu bange.

Okubala 27:17

Omuntu aidha okubakulemberangamu era abakuumenga mu buli kye banaakolanga. Olwo abantu bo abo, iwe Musengwa Katonda, balobe kubanga ng'oti n'entaama edhiziraku mwayi.”

Matayo 26:64

Yesu yaamukoba ati: “Niiwe okyogeire. Aye ka mbakobere: okuva ni buti, mwidha kubona Omwana w'Omuntu ng'atyaime ku luuyi olw'omukono omusaadha ogw'ow'obukumu, era ng'aidhira mu bire eby'eigulu.”

Matayo 9:36

Bwe yabona abantu kamaala batyo, yaabagemerwa ekisa, kuba baali beinhamiire era nga babundaire ng'oti n'entaama edhiziraku mwayi.

Mariko 6:34

Yesu bwe yali atuuka ku bukalu ati yaabona eikuukuubira ery'abantu, yaabasaasira, kuba baali oti n'entaama edhiziraku mwayi. Agho yaatoolera okubeegeresa ebintu kamaala.