2 Ebyomubyanda 16:14 - Baibuli Ekibono kya Katonda 2014

¹⁴ Era yaaziikibwa mu magombe, mwene ge yeesimira mu lubaale, mu kyetebwa Ekibuga kya Daudi. Omulambo gwe baagulambaaza ku buliri obwidhwire obuwoowo obwa buli ngeri, obwatabulwa abakugu. Baakuma ekisiki eky'omuliro ekikologho, olw'okumulira.

2 Ebyomubyanda 16:14 ပူးပေါင်းရင်းမြစ်များ

Amainhama 50:2

Yosefu yaalagira abagheereza be abayigha, okukaza omulambo gwa ise gulobe kuvunda. Abayigha baakola nga Yosefu bweyalagira.

Amainhama 50:5

muti lata wange yandayiza ati, ‘Ndi kumpi kufa. Onziikanga mu magombe ge neesimira mu nsi Kanaani.’ Kale mpegaano nkweghembye, nganha nje nziike lata wange memale ndhire.”

2 Samueli 2:32

Yoabu n'abasaadha be baatwala omulambo gwa Asaheli, baaguziika mu magombe ga ise agaali e Bethelehemu. Yoabu n'abasaadha be baatambula obwire obwo bwonabwona bwabakyeraku nga batuuse e Heburoni.

2 Ebyomubyanda 16:13

Agho Asa oyo yaafa mu mwaka gwe ogwamakumi ana n'omulala (41) ku bwakyabazinga, yeeyimba ku badhaadha be abaafa.

2 Ebyomubyanda 21:19

Bwe ghaabitagho entangama ya myaka ebiri, ebyenda byamufuluma mu nda olw'endwaire eyo, yaafiira mu bulumi obutaloodheka. Abantu be baaloba okumukumira ekisiki eky'omuliro okumulira, nga bwe kyakolebwanga ku badhaadha be.

2 Ebyomubyanda 32:33

Agho Hezekia yaafa, yeeyimba ku badhaadha be abaafa, era yaaziikibwa mu kitundu eky'eitale mu lwambiidhi lwe baazikangamu baidhukulu ba Daudi. Abantu ab'omu Buyudaaya n'ab'omu Yerusalemu baamulira mu kitiibwa inho. Mutabane we Manasse yaamusikira ku bwa kyabazinga.

2 Ebyomubyanda 35:24

Kale abagheereza be baamutoola mu kigaali kye eky'omu lutalo kye yalimu, baamwiza mu kigaali kye ekindi eky'omu lutalo, olwo baamutwala e Yerusalemu. Yaafiira eyo era baamuziika mu lwambiidhi lwa badhaadha be. Abantu boonaboona ab'omu Buyudaaya n'ab'omu Yerusalemu baamulira.

Omulangirizi 10:1

Ng'ensowera enfu edhigwire mu by'obuwoowo bwe dhibireetera okuwunha ekivundu; n'ekikolwa eky'obusiru kityo bwe kimalagho amagezi n'ekitiibwa, ekikolwa ekyo ni bwekiba ekitono einho.

Isaia 22:16

‘Weeyeta ki iwe? Era naani akwidhi weena, memale obwo otuuke n'okwesimira amagombe mu lubaale?

Yeremia 34:5

Olifa bya bulungi mu miraala. Era ng'abantu bwe baaniosanga obubbaani nga baziika badhaadha bo abaali bakyabazinga okukusooka, weena batyo bwe balikuniokeza obubbaani. Baja kukulira nga bakoba bati, ‘Wo Kyabazinga waife atufiireku!’ Nze Musengwa Katonda, ninze nkobye.”

Mariko 16:1

Olwa Sabbato bwe lwabita, Maria Magadalene ni Maria inhina wa Yakobo ni Salome, baagula obuwoowo baje basiige ku mulambo gwa Yesu.

1 Samueli 31:12

abasaadha abaziramu ntete boonaboona baasituka, baatambula obwire bwonabwona. Baaja baaghanulayo ku kimante ky'ekibuga Bethi Shani omulambo gwa Saulo n'emirambo gya batabane be, baagireeta e Yabeshi baagyokera eyo.