2 Ebyomubyanda 16:12 - Baibuli Ekibono kya Katonda 2014

¹² Mu mwaka gwe ogwamakumi asatu n'omwenda (39) ku bwakyabazinga, yaalwala ebigere, yaaba bubi inho. Aye era, waire nga yalumizibwa inho, tiyasaba Musengwa Katonda kumuwonia. Yakozesanga bwa bayigha okumwidhandhaba.

2 Ebyomubyanda 16:12 ပူးပေါင်းရင်းမြစ်များ

Amainhama 50:2

Yosefu yaalagira abagheereza be abayigha, okukaza omulambo gwa ise gulobe kuvunda. Abayigha baakola nga Yosefu bweyalagira.

1 Ebyomubyanda 10:14

mu kifo eky'okwebuuza ku Musengwa Katonda. Musengwa Katonda oyo kyeyava n'amwita, obwakyabazinga yaabugha Daudi mutabane wa Yesse.

2 Ebyomubyanda 16:13

Agho Asa oyo yaafa mu mwaka gwe ogwamakumi ana n'omulala (41) ku bwakyabazinga, yeeyimba ku badhaadha be abaafa.

2 Ebyomubyanda 16:9

Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

2 Ebyomubyanda 28:22

Kyabazinga Ahazi oyo, ni mu kiseera kye yabeeramu mu buzibu, yeeyongera bweyongere okukola ebibi eri Musengwa Katonda.

Yobu 13:4

Aye imwe mwogera bya buguya okughemba ku mazima muli ng'oti n'abayigha abatasobola kuwonia muntu.

Yeremia 17:5

Musengwa Katonda akoba ati: “Omuntu yeenayeena akyuka n'anvaaku nze Musengwa Katonda, ni yeesiga omuntu obuntu era n'amwesiguliraku, akolimirwe.

Yeremia 8:22

Mu Gileadi tekaaliyo bulezi? Tekaaliyo bayigha? Kiki ekirobeire abantu bange okuwona?

Matayo 7:2

kuba nga bwe musalira abandi omusango, mwena bwe gulibasalirwa, era n'ekipimo kye munaapimirangamu banaimwe, mwena n'ekiribapimirwamu.

Matayo 9:12

Yesu bwe yawulira, yaakoba ati: “Abalamu ti n'abenda omuyigha aye abalwaire.

Mariko 2:17

Yesu olwawulira ebyo, yaabakoba ati: “Abalamu ti n'abenda omuyigha, aye abalwaire kuba abatuufu ti be naidha okweta, aye aboonooni.”

Mariko 5:26

Yaadaagira mu bayigha kamaala yaaghaayo ebibye byonabyona, aye yaabulayo amuwonia, yeeyongeranga bweyongere okuba obubi.

Ab'e Kolosai 4:14

Mukagwa waife Luka omuyigha ni Dema babalamwisa.

Okwolekebwa 3:19

“Nze abo be ngonza mbanenia era mbakangaivula. Kale fuba weenenie.