2 Ebyomubyanda 15:16 - Baibuli Ekibono kya Katonda 2014

¹⁶ Era kyabazinga Asa oyo yaatoola ni ku dhaadha we Maaka ekitiibwa eky'okuba inhina owa kyabazinga, kuba Maaka oyo yakola ekifaananie ekyenhinhalwa ekyasinzibwanga, eky'omusambwa omukazi Ashera. Asa yaatemagho ekifaananie ekyo, yaakimenhamenha, yaakyokera ku kaiga Kiduroni.

2 Ebyomubyanda 15:16 ပူးပေါင်းရင်းမြစ်များ

1 Bakyabazinga 15:10

Yaafugira entangama ya myaka amakumi ana na mulala (41) mu Yerusalemu. Dhaadha we omukazi nga ni Maaka mughala wa Abishalomu.

1 Bakyabazinga 15:2

Yaafugira entangama ya myaka esatu mu Yerusalemu. Inhina yali nga ni Maaka, mughala wa Abishalomu.

2 Bakyabazinga 23:12

Yaamenhamenhagho alutaari, bakyabazinga ba Buyudaaya dhe baali bazimbye ghaigulu ku ngulu kw'endhu ya kyabazinga Ahazi, era n'edho kyabazinga Manasse dhe yali azimbye mu mpya dhombi edh'eisinzizo. Edho dhoonadhoona yaadhisaaniagho, dhaafuuka bwa nkungu, era enkungu eyo yaagiyugha mu kaiga Kiduroni.

2 Bakyabazinga 23:15

Kyabazinga Yosia yaamenhagho n'ekifo ekigulumivu eky'okusinzizaamu ekyali e Betheli, kyabazinga Yeroboamu mutabane wa Nebati kye yazimba n'aleetera Isiraeli okwonoona. Yosia oyo yaamenhagho alutaari ghalala n'ekifo ekyo ekigulumivu eky'okusinzizaamu, yaamulungula amabaale ge baabizimbisa gaafuuka bwa nkungu, era yaayokya n'ekifaananie ky'omusambwa omukazi Ashera.

2 Bakyabazinga 23:4

Agho kyabazinga Yosia yaayeta Hilikia Omukulu wa Bakabona, ni bakabona abamwiririra, n'abaigazi b'eisinzizo, yaabalagira okufulumya mu isinzizo ebintu byonabyona ebyakozesebwanga mu kusinza omusambwa Baali n'omusambwa omukazi Ashera, ni mu kusinza ebyakira ku igulu byonabyona. Kyabazinga yaabyokera kuliya wa Yerusalemu mu nsiko, mu kiiko Kiduroni, era eivu lyabyo baalitwala e Betheli.

2 Bakyabazinga 23:6

Yaatoola mu isinzizo ekifaananie ky'omusambwa omukazi Ashera, yaakitwala kuliya wa Yerusalemu eri akaiga Kiduroni, yaakyokera eyo, yaakisekulasekula kyafuuka bwa nkungu, yaamansira enkungu eyo mu kifo mwe baaziikanga abantu ababuliidho.

2 Ebyomubyanda 15:17

Aye waire Asa oyo tiyamaliragho irala mu Isiraeli bifo bigulumivu bye baasinzizangamu, obulamu bwe bwonabwona yali mwesigwa ye Musengwa Katonda.

2 Ebyomubyanda 29:16

Ate bakabona baingira mu kisenge eky'omunda mu isinzizo, baakirongoosa. Baatoolayo ebyo byonabyona bye baayagaanayo ebitali birongoofu, baabireeta mu luya olw'eisinzizo. Abalevi baabifulumya kuliya, baabitwala baabisuula mu kaiga Kiduroni.

2 Ebyomubyanda 30:14

Baasitukiramu, baatoolagho alutaari dhoonadhoona edhaali mu Yerusalemu, edhaagheerwangaku emisengo n'okuniokezebwangaku obubbaani, baadhisuula mu kaiga Kiduroni.

2 Ebyomubyanda 34:7

Yaamenhamenha alutaari, yaamulungula ebifaananie eby'omusambwa omukazi Ashera, n'ebifaananie ebindi, yaabisa byafuuka nkungu. Yaatematema n'alutaari dhoonadhoona edhiniokezebwaku obubbaani mu Isiraeli yoonayoona, memale yaira e Yerusalemu.

Okuvaayo 32:20

Yaatoola ekifaananie ekyo eky'ente ento enume yaakisaanuusa, yaakisa kyafuuka nsaano. Ensaano eno yaagimansira ku maadhi, yaamala yaaganhwesa Abaisiraeli boonaboona.

Okuvaayo 34:13

Mu kifo eky'okukola nabo endagaano, mumenhemenhegho alutaari dhaibwe, n'ebituuti byaibwe eby'amabaale, era n'ebifaananie bya Ashera, omusambwa gwaibwe omukazi.

Abalevi 26:30

Ndidha kuzikiriza ebifo byaimwe ebigulumivu bye musinzizaamu emisambwa, era mmenheregho irala alutaari dhe muniokezaaku obubbaani olw'emisambwa egyo, n'emirambo gyaimwe ngisuule ku bifaananie eby'emisambwa egyo gye musinza. Mu busungu obungi

Zekaria 13:3

Bwe ghalibaagho ole alyenda okweyeta omulanzi, ise n'inhina balimukoba bati ateekwa okwitibwa, olw'okwogera eby'obuguya aye ate n'abyeta ebibono bya Musengwa Katonda. Era bw'aligezaaku okukola obulanzi, ise n'inhina abo balimufumita yaafa.

Mariko 3:21

Ababe bwe baawulira, baaja okumugema baali bakoba bati: “Alalwike!”

Yoanne 18:1

Yesu bwe yamala okwogera ebyo, yaaja n'Abeegeresebwa be, baasomoka akaiga ka Kiduroni. Eyo yaliyo enimiro mwe yangira n'Abeegeresebwa be.

2 Ab'e Korintho 5:16

Mperaano titukaabonera muntu yeenayeena mu magezi ga buntu. Waire nga ghaaligho ghe twaboneranga Kurisito mu magezi ag'obuntu, mperaano titukaamubona tutyo.

Amateeka Agokubiri 33:9

Abalevi abo baagumira ku iwe, okusinga okufa ku bazaire baibwe ni ku baganda baibwe ni ku baana baibwe. Baawulira ebiragiro byo, era baakuuma endagaano yo.

Amateeka Agokubiri 7:5

Agho ni mubabisenga muti: mumenhemenhenga alutaari dhaibwe, mutemetemenga empango dha bakatonda baibwe edh'amabaale, mwasaageyasaagenga ebifaananie ebibaadhe eby'omusambwa gwaibwe omukazi Ashera, era mwokyenga n'omuliro ebintu byaibwe bye basinza ebitali Katonda.

Amateeka Agokubiri 9:21

Naagema ekintu ekyo eky'ekibi kyaimwe, eyo nga n'ente ento enume ye mwali mukoze, naagisuula mu muliro. Naagikontakonta, naagisekulasekula inho okutuusa lwe yafuuka ng'oti nkungu. Naayugha enkungu yaayo eyo mu kaiga akaalinga nga kakuuluula okuva ku lusozi.