2 Ebyomubyanda 15:15 - Baibuli Ekibono kya Katonda 2014

¹⁵ Abantu boonaboona ab'omu Buyudaaya baasangaalira okulayira okwo, kuba baalayira n'omutima gwaibwe gwonagwona. Era kuba baanoonia Musengwa Katonda n'omwoyo gwaibwe gwonagwona baamuzuula, yaabagha emiraala ku ndhuyi dhaibwe dhoonadhoona.

2 Ebyomubyanda 15:15 ပူးပေါင်းရင်းမြစ်များ

2 Bakyabazinga 23:3

Kyabazinga Yosia era yaayemerera gha mpango, yaakola endagaano mu maiso ga Musengwa Katonda, nga bw'aidha okugemanga amateeka n'ebiragiro bye n'omutima gwe gwonagwona era n'omwoyo gwe gwonagwona, era atuukirizenga ebiri mu ndagaano eyo, nga bwe byaghandiikibwa mu kitabo ekyo. Abantu boonaboona baakakasa nga bwe baidha okukuumanga endagaano eyo.

1 Ebyomubyanda 16:10

Muwulire okwesiima olw'eriina lye eitukuvu; abo abasinza Musengwa Katonda ka basagambe.

2 Ebyomubyanda 11:16

Abantu ab'omu bika byonabyona eby'omu Isiraeli abaawulira mule nga benda okusinza Musengwa Katonda, Katonda wa Isiraeli, boona baidha e Yerusalemu okughaayo emisengo eri Musengwa Katonda oyo, Katonda wa badhaadha baibwe.

2 Ebyomubyanda 14:6

Yaazimba mu Buyudaaya ebibuga ebyezungulwirwa ebimante ebigumu, kuba ensi yali mu miraala. Mu myaka egyo, Asa tiyali na ntalo, kuba Musengwa Katonda yamugha okuba emiraala.

2 Ebyomubyanda 14:7

Yaakoba abantu b'omu Buyudaaya ati: “Ka tuzimbe ebibuga bino, tubyezunguluzeeku n'ebimante ebigumu, tubizimbeku n'ebituuti ebirengererwaku, era tubiteeku n'endhigi edhiriku ebisiba munda. Ensi eno ekaali yaife, kuba twakola Musengwa Katonda waife by'ayenda. Twakola by'ayenda kyeyava n'atugha emiraala ku ndhuyi dhaife dhoonadhoona.” Kale baazimba, era ebintu byabajiiranga bukalamu.

2 Ebyomubyanda 15:12

Baakola endagaano okusinzanga Musengwa Katonda, Katonda wa badhaadha baibwe n'omutima gwaibwe gwonagwona era n'omwoyo gwaibwe gwonagwona.

2 Ebyomubyanda 15:14

Baalayirira Musengwa Katonda nga boogerera ghaigulu n'amaani, era nga bafuuwa amagwala n'endeka.

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

2 Ebyomubyanda 15:4

Aye bwe baali mu buzibu, baakyukira eri Musengwa Katonda, Katonda wa Isiraeli, baamunoonia era baamuzuula.

2 Ebyomubyanda 15:6

Tighaaligho kwegaita: ng'ekiketezo kino kirwanisa kire, ate ekibuga kire kyalwanisa ekindi, kuba Katonda yabatuusa ku kudaazibwadaazibwa yaabaleetera okweraliikirira okutakobeka.

2 Ebyomubyanda 19:3

Aye era iwe okaaliku ebirungi, kuba wasaaniagho mu nsi yo ebifaananie by'omusambwa omukazi Ashera, era waafuba okukolanga ebyo Katonda by'ayenda.”

2 Ebyomubyanda 20:30

Kale obwakyabazinga bwa Yehoshafati bwaba bwa miraala, kuba Katonda yamugha emiraala ku ndhuyi dhoonadhoona.

2 Ebyomubyanda 29:10

“Mperaano nsazeegho okukola endagaano ni Musengwa Katonda, Katonda wa Isiraeli, olwo alekere agho okutwolekeza obusungu bwe obubitiriire.

2 Ebyomubyanda 29:36

Agho Hezekia n'abantu boonaboona baasagamba, kuba Katonda yababeera, baakola ebintu ebyo byonabyona amangu gatyo.

2 Ebyomubyanda 34:31

Kyabazinga Yosia yaayemerera mu kifo kye, yaakola endagaano mu maiso ga Musengwa Katonda, nga bw'aidha okugemanga amateeka n'ebiragiro bye n'omutima gwe gwonagwona era n'omwoyo gwe gwonagwona, era atuukirizenga ebiri mu ndagaano eyo, nga bwe byaghandiikibwa mu kitabo ekyo.

Nehemia 8:9

Abantu bwe baawulira Amateeka bye gabalagira okukola, boonaboona baalira amaziga. Kale Nehemia eyali omufuzi w'ekiketezo ekyo, ni Ezera kabona era omunamateeka, n'Abalevi abaayegeresa abantu Amateeka, baabakoba bati: “Olunaku luno lwa Musengwa Katonda waimwe era lutukuvu. Kale ni mulobe kunakughala waire okulira amaziga.

Yobu 34:29

Katonda bw'asalagho obutabaaku ky'akolagho, naani asobola okumusalira omusango okumusinga? Bw'agisa amaiso ge, naani asobola okumubona, k'abe omuntu omulala ati oba eighanga eiramba?

Zabbuli 119:10

Nfuba inho okukugheereza n'omwoyo gwange gwonagwona, otandeka kuva ku biragiro byo.

Zabbuli 119:106

Neeyamye era tija kwerabira okujiiranga ku nsala yo entuufu eziramu kwekubira.

Zabbuli 119:111

By'okoba mbitwala ng'omugabo ogwange ku bwange ebyanda n'ebyanda; bwenebwene mu ebyo n'omuva okusangaala okw'omwoyo gwange.

Zabbuli 32:11

Imwe abatuufu musangaale era musagambe olw'ebyo Musengwa Katonda by'akola. Imwe abagondera ebiragiro bye, mukube emizira.

Okuvaayo 24:3

Agho Musa yaaja yaakobera abantu ebyo byonabyona Musengwa Katonda bye yamukoba era n'ebiragiro. Era abantu boonaboona bairamu n'omwoyo mulala bati: “Ebyo byonabyona Musengwa Katonda by'atukobye twidha kubikola.”

Ensambo 3:17

Amagezi galeetera omuntu okuba mu bulamu obukalamu, era gaamuleetera okububaamu mu miraala.

Isaia 26:8

Wo Musengwa Katonda, ife tujiira ku ebyo by'oyenda, era titwerabira liina lyo; kuba mu eryo mwe tufunira bye twegomba.

Isaia 45:19

Tyogerangaku mu kaama ng'oti n'ali mu nsi ey'enzikiiza. Tikobangaku Baisiraeli kuunooneza mu nsi ntabangufutabangufu, ni badaagira bwereere nga ti bambona. Nze Musengwa Katonda ndhogera mazima, naakobera abantu ebituufu.”

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

Amateeka Agokubiri 26:11

Aidha kusagambiranga ghalala n'ab'omu maka ge, n'abalevi, n'abasenze ababa mu imwe, olw'ebirungi byonabyona Musengwa Katonda we by'anaabanga ng'amughaire.

Ab'e Filippi 1:23

Endhuyi dhombi dhimpaluza. Aye nga kye nhenda einho, n'okuva mu bulamu buno nje mbe ni Kurisito, kuba ekyo n'ekisingira irala bukalamu.

Yoshua 23:1

Nga ghabiseegho ekiseera kireeyi inho, era nga Musengwa Katonda amaze okugha Abaisiraeli emiraala, nga baliraanwa baibwe ti bakaabalumba, Yoshua yali akairiighe inho.

Yoshua 24:25

Kale ku lunaku olwo Yoshua yaakolera abantu endagaano e Shekemu, era yaabagha amateeka n'ebiragiro eby'okujiirangaku.