2 Ebyomubyanda 15:13 - Baibuli Ekibono kya Katonda 2014

¹³ Era nga kiisi muntu aloba okusinza Musengwa Katonda, Katonda wa Isiraeli, omuntu oyo k'abe mukulu oba muto, k'abe musaadha oba mukazi, aba wa kwitibwa.

2 Ebyomubyanda 15:13 ပူးပေါင်းရင်းမြစ်များ

Amainhama 19:11

Era baatuluwaza abasaadha, abato n'abakulu abaali ku luya ku lwigi, baaloba kulubona.

1 Bakyabazinga 18:40

Agho Eliya yaabakoba ati: “Mugeme abalanzi ba Baali, ghalobe kubaagho alumukagho waire omulala.” Kale baabagema. Eliya yaabaserengesa ku kaiga Kishoni, yaabaitira eyo.

2 Ebyomubyanda 15:14

Baalayirira Musengwa Katonda nga boogerera ghaigulu n'amaani, era nga bafuuwa amagwala n'endeka.

Yobu 3:19

Abantu ab'ebika n'ebika bali eyo, abamanhifu n'abatali bamanhifu, n'abairu nga tibakaafugibwa basengwa baibwe.

Yobu 34:19

Katonda tiyeekubira ku luuyi lwa bafuzi, abisa bulala abakombe n'abaavu; kuba boonaboona bitonde bye.

Zabbuli 115:13

era aghenga n'abo boonaboona abamutya enkabi, abakologho n'abatali bakologho.

Okuvaayo 12:29

Mu bwire ghagati Musengwa Katonda yaita abaana abalenzi ababeri boonaboona ab'Abamisiri, okuviira irala ku muberi wa kyabazinga, ali ku kityamo kye eky'obwakyabazinga, okutuukira irala ku muberi ow'omusibe ali mu ikomera. Era yaita n'ensolo dhoonadhoona enume edhaazaalibwa mu nzaalo edhaasooka.

Okuvaayo 22:19

“Omusaadha yeenayeena anaabanga n'ensolo mu nsambo abasaadha ye baba n'abakazi mu buliri, anaitibwanga.

Okuvaayo 22:20

“Omuntu yeenayeena bw'anaaghangayo omusengo eri omusambwa mu kifo eky'okugugha nze Musengwa Katonda, anaazikirizibwanga.

Zefania 1:6

Era nja kuzikiriza abo boonaboona abatakaidha ye ndi waire okunsaba okubabeera.”

Ebikolwa by'Abatume 26:22

Aye Katonda ankuumye okutuusa n'olwaleero, era nhemereire nga nkobera abakulu n'abato, ebyo byene abalanzi ni Musa bye baakoba bati bija kubaagho.

Amateeka Agokubiri 29:18

Mwekuumenga ghalobe kubaagho musaadha oba mukazi, oba maka, oba kika, mu bali ghano olwaleero, akyusa mwoyo gwe n'ava ku Musengwa Katonda waife, n'asinza bakatonda b'amaghanga gandi. Okukola ekyo kuba ng'oti n'omuzi ogusibuka ku kimera ekikaagha era eky'obutwa.

Okwolekebwa 20:12

Naabona abafu, abakulu n'abato, nga beemereire mu maiso g'ekityamo ekyo eky'obwakyabazinga. Ebitabo byawumbululwa. Era n'ekitabo ekindi kyawumbululwa, ekitabo eky'obulamu. Abafu baasalirwa omusango okuva ku bye baakola, ebyaghandiikibwa mu bitabo.

Okwolekebwa 6:15

Olwo bakyabazinga ab'oku nsi, n'abafuzi, n'abakulu b'abaisirukale, n'abakombe, n'ab'amaani, n'abantu boonaboona, abairu n'ab'eidembe, beegisa mu mpuku ni mu gabaale ag'oku nsozi.