2 Ebyomubyanda 14:15 - Baibuli Ekibono kya Katonda 2014

¹⁵ Era baalumba ni weema edh'abaayi, baanhaga entaama n'engamiya kamaala inho. Bwe baamala, bairayo e Yerusalemu.

2 Ebyomubyanda 14:15 ပူးပေါင်းရင်းမြစ်များ

1 Ebyomubyanda 4:41

Mu biseera kyabazinga Hezekia bye yafugiramu Buyudaaya, abo beene maina agoogeirwaku baalumba ekiketezo ekyo, baazikiriza weema dh'abatyamye baayo, baazikiriza n'Abameuni be baayagaanayo. Beene baasenga mu kifo kyaibwe ni ye buli eno, kuba ghaaligho eisubi ery'okwayiramu ebyayo byaibwe.

1 Ebyomubyanda 5:21

Baanhaga ku bazigu abo engamiya emitwalo etaanu (50,000), entaama emitwalo amakumi abiri n'etaanu (250,000), n'endogoyi enkumi ibiri (2,000), era baatwala n'abasibe emitwalo ikumi (100,000).

2 Ebyomubyanda 14:14

Baazikiriza ebibuga byonabyona ebyetooloire Gerari, kuba abantu baayo Musengwa Katonda yabaleetera okutya. Baanhagulula ebibuga ebyo byonabyona, kuba byalimu ebintu kamaala eby'okunhaga.

2 Ebyomubyanda 15:1

Agho omwoyo gwa Musengwa Katonda gwaidha ku Azaria, mutabane wa Odedi.

Okubala 31:9

Abaisiraeli baanhaga abakazi n'abaana abato ab'Abamidia, baabatwala nga basibe ghalala n'ente dhaibwe dhoonadhoona, n'entaama n'embuzi n'ebintu byaibwe ebindi byonabyona.

1 Samueli 30:20

Daudi era yaanhaga entaama, n'embuzi, n'ente ebyo byonabyona baabikulembezaamu, nga mwene ali kubivaaku einhuma. Era baakoba bati: “Guno munhago gwa Daudi.”