2 Ebyomubyanda 14:10 - Baibuli Ekibono kya Katonda 2014

¹⁰ Asa yaaja okumulwanisa. Endhuyi dhombi dhaasimbya abalwani baadho enhiriri mu kiiko ky'e Zefatha okumpi n'e Maresha, baalingagana nga beetegeike okulwana.

2 Ebyomubyanda 14:10 ပူးပေါင်းရင်းမြစ်များ

2 Ebyomubyanda 13:18

Kale Abaisiraeli baaghangulwa batyo ku mukuzi ogwo, ate Abayudaaya baaba baghanguzi, kuba Abayudaaya abo beesiga Musengwa Katonda, oyo Katonda wa badhaadha baibwe.

2 Ebyomubyanda 14:11

Asa yaasaba Musengwa Katonda we ng'akoba ati: “Wo Musengwa Katonda, ezirayo ali ng'oti niiwe mu kuyamba abanafu n'ab'amaani. Wo Musengwa Katonda waife, tuyambe ife, kuba niiwe ye twesiga era twidhie mu liina lyo okulwanisa eigye lino einene liti. Wo Musengwa Katonda, niiwe Katonda waife. Otaikiriza muntu kukughangula naire.”

2 Ebyomubyanda 14:9

Agho ghaabaagho Omwethiopia ayetebwa Zera, yaabalumba n'eigye lya balwani akakaire kalamba (1,000,000), n'ebigaali eby'omu lutalo ebikumi bisatu. Yaidha yaatuukira irala e Maresha.

2 Ebyomubyanda 26:7

Katonda yaamubeeraku okughangula Abafilisiti, n'Abawarabu abaabanga e Gurubaali, n'Abameuni.

2 Ebyomubyanda 32:20

Agho kyabazinga Hezekia ni Isaia omulanzi mutabane wa Amozi, baalirira Katonda nga bamusaba okubabeera.

2 Ebyomubyanda 32:8

Mwene ali na igye lya bantu buntu, aye ife tuli ni Musengwa Katonda waife, nga n'atubeera era nga n'atulwaniragho entalo dhaife.” Agho abantu bairamu amaani olw'ebyo kyabazinga Hezekia owa Buyudaaya bye yabakoba.

Zabbuli 20:8

Abo balitondoka baagwa ere, aye ife tulisituka twayemerera nga tuli bagumu.

Zabbuli 31:15

Obulamu bwange buli mu ngalo dho; ntoola mu ngalo dh'abazigu bange abankiriga.

Zabbuli 9:20

Wo Musengwa Katonda, baleetere okutya, bategeere nga bantu buntu.

Amateeka Agokubiri 20:1

Musa yaakoba Abaisiraeli ati: “Bwe munaajanga okulwanisa abazigu baimwe, aye ni mubona embalaasi, n'ebigaali eby'omu lutalo, n'eigye erisinga eryaimwe obunene, mutatyanga kuba Musengwa Katonda waimwe eyabatoola e Misiri, ali n'imwe buliidho.

Yoshua 19:4

Elitoladi, Bethuli, Horumona,

Abalamuzi 1:17

Agho ab'ekika kya Yuda baaja n'ab'ekika kya Simeoni baaghangula Abakanaani abaali mu kibuga Zefathi, era baazikiriza ekibuga ekyo okukimalagho. Kyebaava ni bakituuma eriina Horuma.

1 Samueli 14:6

Yonathani yaakoba omwisuka eyamugemeranga eby'okulwanisa ati: “Idha tuje mu nkambi y'abalwani bano abatali bakekete. Tomanha Musengwa Katonda bw'atuyamba, kuba ghaziragho kighanga kulobera Musengwa Katonda okununula ng'akozesa abangi oba abatono.”

1 Samueli 17:45

Daudi yaakoba Omufilisiti ati: “Iwe oli kwidha ye ndi n'empiima, n'eifumo einene ghalala n'eifumo eitono, aye nze ndi kwidha mu liina lya Musengwa Katonda Afuga Amagye, era Katonda ow'amagye ga Isiraeli, g'osoononkereiza.