2 Ebyomubyanda 13:21 - Baibuli Ekibono kya Katonda 2014

²¹ Aye Abiya yaafuuka wa maani. Yaabayiza abakazi ikumi na bana. Yaazaala abaana abalenzi amakumi abiri na babiri, n'abaghala ikumi na mukaaga.

2 Ebyomubyanda 13:21 ပူးပေါင်းရင်းမြစ်များ

1 Bakyabazinga 15:7

Era dhaaligho ghagati gha Abiyamu oyo ni Yeroboamu. Ebindi byonabyona Abiyamu bye yakola, byaghandiikibwa mu Kitabo eky'Ebyomubyanda bya Bakyabazinga ba Buyudaaya.

2 Ebyomubyanda 11:21

Rehoboamu yayendanga inho Maaka oyo mughala wa Abusalomu, okusinga bakazi be abandi ab'omu ndhu boonaboona, ni bakazi be ab'embali boonaboona. Abakazi be ab'omu ndhu boonaboona aghalala baali ikumi na munaana, ate abakazi be ab'embali baaba nkaaga. Yaazaala abaana abalenzi amakumi abiri na munaana (28), n'abaana abaghala nkaaga (60).

2 Ebyomubyanda 13:20

Yeroboamu tiyairamu kuba wa maani, nga Abiya oyo akaali kyabazinga. Era ku nkomerero, Musengwa Katonda yaleetera Yeroboamu oyo okulwala, yaamala yaafa.

2 Ebyomubyanda 13:22

Ebindi Abiya oyo bye yakola, n'empisa dhe, ni bye yayogera, byaghandiikibwa mu Byafaayo bya Iddo Omulanzi.

Abalamuzi 10:4

Yali ni batabane amakumi asatu, abaajiiranga ku ndogoyi amakumi asatu. Baali n'ebibuga amakumi asatu, mu Gileadi, ebikaayetebwa ebyalo bya Yairi ni ye buli eno.

Abalamuzi 9:5

Agho yaaja mu ndhu ya ise mu Ofura, yaitirayo, ku ibaale irala, baganda be ensanvu, batabane ba Gideoni. Aye Yothamu mutabane wa Gideoni asembayo obuto, yeekweka, yaaloba kwitibwa.