2 Ebyomubyanda 13:17 - Baibuli Ekibono kya Katonda 2014

¹⁷ Abiya n'eigye lye, baaghangulira irala Abaisiraeli era Abaisiraeli abo baafiirwa abalwani baibwe ab'amaani einho, abaghera emitwalo amakumi ataanu (500,000).

2 Ebyomubyanda 13:17 ပူးပေါင်းရင်းမြစ်များ

2 Ebyomubyanda 13:12

Bona eno, Katonda mwene n'omuduumizi waife. Ni bakabona be, bali ghano nga bagemye amagwala ag'okufuuyira abaja okulwanisa imwe. Kale ni Abaisiraeli imwe, mutalwanisa Musengwa Katonda, Katonda wa badhaadha baimwe, kuba timwidha kughangula naire.”

2 Ebyomubyanda 13:16

Abaisiraeli baalumuka Abayudaaya, Katonda yaaleetera Abayudaaya okughangula Abaisiraeli abo.

2 Ebyomubyanda 13:18

Kale Abaisiraeli baaghangulwa batyo ku mukuzi ogwo, ate Abayudaaya baaba baghanguzi, kuba Abayudaaya abo beesiga Musengwa Katonda, oyo Katonda wa badhaadha baibwe.

2 Ebyomubyanda 13:3

Abiya yaaja okulwana ng'ali n'eigye ery'abalwani abaziramu ntete, emitwalo amakumi ana (400,000), abaalondebwa n'obwegendereza. Ate Yeroboamu yaidha okumulwanisa ng'ali n'eigye ery'abalwani ab'amaani, emitwalo kinaana (800,000), boona nga baalondebwa n'obwegendereza.

2 Ebyomubyanda 28:6

Peka oyo mutabane wa Remalia yaita mu Bayudaaya abantu emitwalo ikumi n'ebiri (120,000) mu lunaku lulala, olw'okuba baava ku Musengwa Katonda, oyo Katonda wa badhaadha baibwe. Abantu abo boonaboona baali abasaadha abaziramu ntete.

Isaia 37:36

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

Nahumu 1:5

Musengwa Katonda gh'aba, musisi atengeesa ensozi enene, obusozi obutono bwasaanuuka, ensi yoonayoona yeesunda, n'abantu baamu boonaboona baadhugumira.

1 Ab'e Korintho 10:22

Twenda kuleetera Katonda kuba wa nkikidi? Niife tumusinga amaani?