2 Ebyomubyanda 11:23 - Baibuli Ekibono kya Katonda 2014

²³ Era Rehoboamu oyo yaayiiya amagezi, yaata batabane be mu biketezo byonabyona ebya Yuda n'ebya Benjamini, babirabirirenga, nga boonaboona bali mu bibuga ebyezungulwirwa ebimante ebigumu. Yaabagha ebintu eby'okukozesanga kamaala, era yaabafunira n'abakazi kamaala.

2 Ebyomubyanda 11:23 ပူးပေါင်းရင်းမြစ်များ

Amainhama 25:6

Aye Aburahamu oyo bweyali ng'akaali mulamu, yagha abaana be ab'abakazi ab'embali ebirabo. Yabasindika mu nsi ey'e buvandhuba, bave aghali omwana we oyo Isaaka.

2 Ebyomubyanda 11:22

Rehoboamu yaalondamu Abiya mutabane wa Maaka okukulira baana baine boonaboona, kuba oyo ye yayenda amusikire.

2 Ebyomubyanda 11:5

Kale Rehoboamu yaasigala mu Yerusalemu, yaazimba ebimante ebigumu okwezunguluza ebibuga bino eby'omu kiketezo eky'omu Buyudaaya n'eky'omu Benjamini:

2 Ebyomubyanda 12:1

Rehoboamu bwe yamala okukakata ku bwakyabazinga n'aba ow'amaani, olwo mwene n'Abaisiraeli boonaboona, baava ku mateeka ga Musengwa Katonda.

2 Ebyomubyanda 21:3

Iseibwe oyo Yehoshafati yabagha ebintu kamaala: feeza, ni zaabu, n'ebintu ebindi eby'omughendo, ghalala n'ebibuga mu Buyudaaya ebyezungulwirwa ebimante ebigumu. Aye obwakyabazinga yaabugha Yehoramu, kuba n'eyali omwana omuberi.

Luka 16:8

“Kale musengwa yaasaaka omughanika oyo atali mwesimbu olw'amagezi ge yasala kuba abaana ab'ensi eno bagezigezi mu ngeri ye bakolaganamu n'ab'oluse lwaibwe okusinga abaana ab'omusana.