2 Ebyomubyanda 11:14 - Baibuli Ekibono kya Katonda 2014

¹⁴ Abalevi abo baaleka eyo ebyayiro byaibwe n'ebibandha, baidha mu Buyudaaya ni mu Yerusalemu, kuba kyabazinga Yeroboamu n'abo abaamusikira, baabinga Abalevi abo, baabalobera okugheereza Musengwa Katonda nga bakabona.

2 Ebyomubyanda 11:14 ပူးပေါင်းရင်းမြစ်များ

1 Bakyabazinga 13:33

Ebyo nga biwoire, kyabazinga Yeroboamu era tiyakyuka naire n'alekayo mpisa dhe mbi. Aye yeeyongera bweyongere okutaagho baakabona ab'ebifo ebigulumivu ebisinzibwamu, ng'abatoola mu bantu ababuliidho. Yaayawulanga kiisi muntu eyayendanga okuba kabona, yaamufuula kabona w'ekifo ekigulumivu ekisinzibwamu.

2 Ebyomubyanda 11:13

Agho bakabona abaali mu Isiraeli mwonamwona, baava eyo yoonayoona ye baabanga, baidha eri Rehoboamu.

2 Ebyomubyanda 13:9

Mwabinga bakabona ba Musengwa Katonda ob'oku lulyo lwa Aaroni, mwabinga n'Abalevi. Mweteeragho bakabona abaimwe, ng'abamaghanga agandi bwe bakola. Ole bw'aidha okwetukuza, ng'aleese ente enume ento ndala n'entaama enume musanvu, mumwikiriza yaafuuka kabona w'ebintu ebyo ebitali Katonda.

Okubala 35:8

Mwidha kutoola ku bibuga imwe Abaisiraeli bye mwagabana, mubighe Abalevi nga mujiira ku bunene obwa buli kika. Ebika ebinene biidha kughangayo ebibuga kamaala, ate ebika ebitono bigheeyo ebibuga bitono.”