2 Bakyabazinga 9:8 - Baibuli Ekibono kya Katonda 2014

⁸ Ab'endhu ya Ahabu boonaboona balizikirira. Era ndimaliragho irala mu Isiraeli buli ayetebwa musaadha asimuka mu Ahabu, k'abe omwiru oba ow'eidembe.

2 Bakyabazinga 9:8 ပူးပေါင်းရင်းမြစ်များ

2 Bakyabazinga 10:17

Bwe baatuuka e Samaria, Yehu yaita ab'endhu ya Ahabu boonaboona abaali bakaasigairegho mu Samaria, nga Musengwa Katonda bwe yakoba Eliya.

2 Bakyabazinga 14:26

Musengwa Katonda yabona okudaazibwadaazibwa okw'Abaisiraeli okutaloodheka, era nga ghaziragho muntu yeenayeena aghanga kubayamba, k'abe omusibe oba ow'eidembe.

2 Bakyabazinga 19:17

Wo Musengwa Katonda, mu butuufu bakyabazinga ba Assiria bazikiriiza amaghanga kamaala, baaleka ensi edh'amaghanga ago nga dhifafaagaine.

2 Bakyabazinga 21:13

Ndibonereza Yerusalemu ng'oti bwe nabonereza Samaria, era ng'oti bwe nabonereza kyabazinga Ahabu owa Isiraeli n'ab'endhu ye. Ndisaaniagho abantu mu Yerusalemu, ng'oti n'omuntu bw'asiimuula esowaani n'agikaza, ate n'amala n'agifundika.

Amateeka Agokubiri 32:36

Musengwa Katonda bw'alibona abantu be boonaboona nga bawoiremu amaani, alisala omusango baagusinga. Bw'alibona nga tighakaali yeesobola k'abe omwiru oba ow'eidembe, alibagemerwa ekivunika.

1 Samueli 25:22

Katonda agwananga yambonereza n'obukambwe, bwe bunaakya enkyo nga nkaaleseegho omuntu omulamu ayetebwa omusaadha, ku bantu be boonaboona b'ali nabo.”