2 Bakyabazinga 9:32 - Baibuli Ekibono kya Katonda 2014

³² Yehu yaakyukiza amaiso ghaigulu aghali dinisa, yaakoba ati: “Naani ali ku luuyi lwange? Naani?” Abalaawe ab'omu kisaagaati kya kyabazinga babiri oba basatu, baamulengezaaku.

2 Bakyabazinga 9:32 ပူးပေါင်းရင်းမြစ်များ

2 Bakyabazinga 9:31

Yehu bweyali ng'ali kwingira mu mulyango, Yezebeli yaamweta ati: “Iwe Zimuri eyatemula musengwa wo, oidhie lwa miraala?”

2 Bakyabazinga 9:33

Yehu yaabakoba ati: “Mumusuule ghansi!” Baamusuula ghansi, omusaayi gwe gwasambukira ku kimante ni ku mbalaasi. Era embalaasi dhaamutyankirira.

2 Bakyabazinga 9:7

Era oidha kwita ab'endhu ya Ahabu musengwa wo, mmwesasuulizeeku olw'abagheereza bange abalanzi n'olw'abagheereza bange abandi, Yezebeli be yaita.

1 Ebyomubyanda 12:18

Agho omwoyo gwa Musengwa Katonda gwaidha ku Amasai omukulu wa bale amakumi asatu, yaakoba ati: “Wo Daudi, ife tuli babo wo iwe omwana wa Yesse, ife tuli ku luuyi lwo! Emiraala gibenga n'iwe, era gibenga n'abo abakubeera, kuba Katonda wo n'akubeera.” Agho Daudi yaabasangaaza, yaabafuula bakulu mu igye lye.

2 Ebyomubyanda 11:12

Era ebibuga ebyo byonabyona yaabitaamu engabo n'amafumo. Mu ngeri eyo yaasigaza abantu ab'omu kika kya Yuda n'ekya Benjamini nga n'abafuga.

Zabbuli 118:6

Musengwa Katonda n'omubeezi wange, ghazira kye nsobola kutya. Omuntu obuntu katyo asobola kunkola ki?

Zabbuli 94:16

Naani eyambeeraku ng'ababi abo bantanwireku olutalo? Oba naani eyayemerera ku luuyi lwange ng'abakozi b'ebibi baanumbye?

Okuvaayo 32:26

Agho yaayemerera gha mulyango ogwingira mu kifo ghe baasimba weema dhaibwe, yaalangirira ati: “Kiisi ali ku luuyi lwa Musengwa Katonda, aidhe ghano ghe ndi.” Era Abalevi boonaboona beesololeza ghalala agho ghe yali.

Ebikolwa by'Abatume 12:20

Agho Herode yaanhiigira abantu ab'e Tiro ni Sidoni. Aye beene baisa kirala baje bamubone. Nga bamaze okwikirizisa Bulasito eyakuumanga ekisaagaati kye, baasaba ghabeegho okwisania, kuba ensi ya Herode n'eyasakiranga eyaibwe.