2 Bakyabazinga 9:27 - Baibuli Ekibono kya Katonda 2014

²⁷ Ahazia kyabazinga wa Buyudaaya bwe yabona ebibairegho, yaalumukira mu kigaali kye eky'omu lutalo ng'agemye engira eja e Bethi Haggani. Yehu yaamubingirira, era yaakoba abasaadha be ati: “N'oyo yeena mumufumite.” Baamufumitira mu kigaali kye eky'omu lutalo, ere ng'oniinaniina Guri ekiri okumpi ni Ibuleamu. Yaalumukira e Megiddo yaafiira eyo.

2 Bakyabazinga 9:27 ပူးပေါင်းရင်းမြစ်များ

1 Bakyabazinga 21:2

Agho Ahabu yaakoba Nabothi ati: “Mpa eisamba lyo ery'emizabbibu. Nga bwe liri okumpi n'ekisaagaati kyange, nhenda ndifuulemu enimiro yange ey'eiva. Ndidha kukughaamu eisamba erindi ery'emizabbibu erisingagho obulungi. Oba, bw'onaaba ng'oyenze, ndidha kukusasulamu omughendo gw'empiiya ogulijaamu.”

1 Bakyabazinga 4:12

Baana mutabane wa Ahiludi yaalabirira ebibuga Taanaki ni Megiddo, ghalala n'ekiketezo kyonakyona eky'e Bethi Sheani ekiriiraine ekibuga Zarethani, eifo gh'ekibuga Yezireeli. Baana oyo era yaalabirira n'ekiketezo ekiva e Bethi Sheani okutuuka ku kibuga Abeli Mehola, n'okutuukira irala ku luuyi lule olw'ekibuga Yokimeamu.

2 Bakyabazinga 10:4

Aye bale bwe baasoma embaluwa eyo, baatya ekibitiriire, baakoba bati: “Oba nga bakyabazinga ababiri, Yoramu ni Ahazia, tibaaghanga kumulwanisa, memale ife tunaaghanga tutya?”

2 Bakyabazinga 11:1

Agho Athalia inhina wa kyabazinga Ahazia bwe yabona nga mutabane we oyo bamwise, yaasituka, yaazikiriza ab'oku lulyo olulangira boonaboona.

2 Bakyabazinga 12:1

Mu mwaka ogwomusanvu nga kyabazinga Yehu n'afuga Isiraeli, Yoashi yaafuuka kyabazinga wa Buyudaaya, era yaafuga okumala entangama ya myaka amakumi ana (40) mu Yerusalemu. Eriina lya inhina nga ni Zibia ow'e Beerisheba.

2 Bakyabazinga 12:21

Abakungu be, Yozakari mutabane wa Shimeathi ni Yehozabadi mutabane wa Shomeri, n'abaamufumita, n'afa. Era baamuziika mu badhaadha be abaafa, mu kyetebwa Ekibuga kya Daudi. Mutabane we Amazia yaamusikira ku bwakyabazinga.

2 Bakyabazinga 14:19

Ghaaligho abaakola olukwe mu Yerusalemu okwita Amazia oyo. Kale yaalumukira mu kibuga ky'e Lakishi, aye era baatumayo abantu okumunooniayo, baamwitirayo.

2 Bakyabazinga 21:23

Agho abakungu be baamukolera olukwe, baamutemulira mu kisaagaati kye eky'obwakyabazinga.

2 Bakyabazinga 8:29

Kyabazinga Yoramu oyo, yairayo e Yezireeli amale okuwona ebibwa Abasiria bye baamufumitira e Rama ng'alwanisa kyabazinga Hazaeli owa Siria. Agho kyabazinga Ahazia mutabane wa Yehoramu kyabazinga wa Buyudaaya, yaajaayo okumubona obulwaire.

Ensambo 13:20

Ole abita n'abagezi yeena afuuka mugezi, aye ole aba mu basiru alizikirizibwa.

Okubala 16:26

Yaakoba abantu boonaboona ati: “Mbeeghemba muve okumpi ni weema edh'abantu bano ababi era mutagema ku kintu kyaibwe kyonakyona. Bwe mutaakole mutyo, musobola okuzikirizibwa ghalala nabo olw'ebibi byaibwe.”

2 Ab'e Korintho 6:17

Kale Musengwa akoba ati: “Mweyawule ku bataikiriza Kurisito, mubaveemu. Era mutagemanga ku kitali kirongoofu, memale olwo zeena mbasangaaze.

Yoshua 17:11

Mu biketezo ebyezungulwire Issakari ni Ashera, Abamanasse baalimu n'ebibuga bino n'ebyalo byaku: Bethi Shani, Ibuleamu, Dora ekiri ku mbali okw'enhandha, Endori, Tanaka, Megiddo.

Abalamuzi 1:27

Ab'ekika kya Manasse tibaabinga batyamye ba mu bibuga bino: Bethi Sheani, ni Tanaka, ni Dori, ni Ibuleamu, ni Megiddo. Era tibaabinga batyamye ba mu byalo ebyezungulwire ebibuga ebyo. Kale Abakanaani baasigala nga bakaaba mu bibuga omwo.

Abalamuzi 5:19

Bakyabazinga baidha baalwana, bakyabazinga ab'e Kanaani baalwanira e Tanaka ku maadhi g'e Megiddo, aye baaloba kufunayo munhago gwa mpiiya.