2 Bakyabazinga 9:26 - Baibuli Ekibono kya Katonda 2014

²⁶ ‘Bwenebwene ng'olwaidho bwe naboine nga Nabothi ni batabane be babatemwire, nkukakasa nti ndikwesasuulizaaku ghano mu kibandha kino.’ Kale ni mubbeede, omusuule mu kibandha ekyo okutuukiriza ekyo Musengwa Katonda kye yakoba.”

2 Bakyabazinga 9:26 ပူးပေါင်းရင်းမြစ်များ

1 Bakyabazinga 21:13

Abantu babiri abazira kye bagasa baidha baatyama mu maiso ge, era baamulumiriza mu maiso g'abantu nga bakoba bati: “Nabothi yavuma Katonda era yaavuma ni kyabazinga.” Kale abantu baamutwala kuliya kw'ekibuga, baamukuba amabaale, yaafa.

1 Bakyabazinga 21:19

Oidha kumukoba oti, ‘Musengwa Katonda akoba ati, omaze okutemula omuntu, obwo era otwale n'ebintu bye?’ Era oidha kumukoba oti, ‘Musengwa Katonda akoba ati, mu kifo mwene embwa mwe dhaakombeire omusaayi gwa Nabothi, era mwe dhiidha okukombera n'ogugwo.’ ”

2 Bakyabazinga 9:21

Yoramu yaakoba ati: “Mutegeke ekigaali kyange eky'omu lutalo.” Baakitegeka. Agho Yoramu oyo kyabazinga wa Isiraeli ni Ahazia kyabazinga wa Buyudaaya, baasitula nga buli muntu ali mu kigaali kye eky'omu lutalo, baaja okwagaanana ni Yehu, baamwagaana mu kibandha ekyali ekya Nabothi Omuyezireeli.

2 Bakyabazinga 9:25

Yehu yaakoba omugheereza we Bidikari ati: “Mubbeede, omusuule mu kibandha ekyali ekya Nabothi Omuyezireeli, kuba oidhukira bukalamu nga iwe ninze bwe twali ku mbalaasi twembi nga tuli kunonereza lata we Ahabu, Musengwa Katonda yayogera ebibono bino ebikolimira Ahabu, ati,

2 Ebyomubyanda 24:25

Abasiria bwe baagolola, baaleka Yoashi oyo nga bamufumiite inho ebibwa. Agho abagheereza be beene baamukolera olukwe, baamutemulira mu buliri bwe olw'okwita mutabane wa Yehoiada kabona. Kale yaafa, baamuziika mu kyetebwa Ekibuga kya Daudi, aye ti mu lwambiidhi lwa bakyabazinga.

2 Ebyomubyanda 25:4

Aye tiyaita baana baibwe, kuba yajiira ku kyaghandiikibwa mu Kitabo eky'Amateeka ga Musa, nga Musengwa Katonda bwe yalagira ati: “Abazaire mutabaitanga lwa misango baana baibwe gye baiziiza, n'abaana mutabaitanga lwa misango gya bazaire baibwe gye baiziiza. Omuntu aidha kwitibwanga lwa musango gw'anaabanga ng'aiziiza mwene.”

Zabbuli 9:13

Wo Musengwa Katonda, nkusaba ondhune! Bona bwe ndaazibwadaazibwa abazigu! Ntoola mu ngalo dha walumbe

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Ezekieli 18:19

“Aye musobola okwebuuza muti, ‘Lwaki omwana tibamuvunaana bibi ise bye yakola?’ Eky'okwiramu kiri nti omwana bw'aba nga yakola ebituufu ebigwaniire ng'ajiira ku mateeka, era nga yali mwegendereza okukuuma ebiragiro byange, aliba mulamu.

Habakkuku 2:10

Ebyo bye muyiiya bireeteire ab'endhu dhaimwe abo okuswala. Era olw'okuba muzikiriiza amaghanga kamaala, kibaleeteire imwe beene okweitaitana.

Amateeka Agokubiri 24:16

“Abazaire mutabaitanga lwa misango baana baibwe gye baiziiza, n'abaana mutabaitanga lwa misango bazaire baibwe gye baiziiza. Omuntu aidha kwitibwanga lwa musango gw'anaabanga ng'aiziiza mwene.

Amateeka Agokubiri 5:9

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe n'abaidhukulu, okutuukira irala ku luse olwokusatu n'olwokuna.