2 Bakyabazinga 9:22 - Baibuli Ekibono kya Katonda 2014

²² Yoramu bwe yabona Yehu, yaamubuuza ati: “Yehu, oidhie lwa miraala?” Yehu yairamu ati: “Miraala ki egisobola okubaagho, ng'okusinza ebitali Katonda n'obulogo ebya inhoko Yezebeli bikaaligho ebingi bityo?”

2 Bakyabazinga 9:22 ပူးပေါင်းရင်းမြစ်များ

1 Bakyabazinga 18:19

Mpegaano ni, soloza Abaisiraeli boonaboona, baidhe twagaanane ku lusozi Karumeli, ghalala n'abalanzi ba Baali ebikumi ebina n'ataanu (450) era n'abalanzi ebikumi ebina (400) ab'omusambwa omukazi Ashera, abalya ku kiiwulo kya Yezebeli.”

1 Bakyabazinga 18:4

era Yezebeli bwe yaita abalanzi ba Musengwa Katonda, Obadia oyo yaatwala abalanzi kikumi yaabagisa mu mpuku mu bikunsu bibiri eby'abantu ataanu ataanu. Era yaabafuniranga emere n'amaadhi.

1 Bakyabazinga 21:25

Bwenebwene tighaalighooku muntu wundi kabiri eyeegheerayo irala okukola ebibi mu maiso ga Musengwa Katonda, ng'oti ni Ahabu eyapikirizibwanga mukazi we Yezebeli.

2 Bakyabazinga 9:18

Kale omuntu yaajiira ku mbalaasi, yaaja ye Yehu. Yaamukoba ati: “Kyabazinga ali kubuuza ati, ‘Mbu oidhie lwa miraala?’ ” Yehu yairamu ati: “Emiraala oli ku gifaaku gyaki? Bitagho, oire einhuma wange, onnonereze!” Omukuumi eyali eyemereire ku kituuti ekirengererwaku, yaatuusa amawulire ati: “Omukwenda ye ntumye abatuuseeku ye bali, aye tali kwira!”

2 Ebyomubyanda 21:13

Aye weebisanga bubi nga bakyabazinga ba Isiraeli bwe baakolanga, waaleetera abantu b'omu Yerusalemu n'ab'omu Buyudaaya boonaboona okuva ku Musengwa Katonda, ng'oti ni Ahabu n'ab'endhu ye bwe baaleetera Abaisiraeli okuva ku Musengwa Katonda oyo. Era okwo waayongeraku n'eky'okwita baganda bo, abaana ba lata wo mwene, abaali abantu abakalamu okusinga n'iwe.

Omulangirizi 3:8

Ekiseera eky'okugonzania, n'ekiseera eky'okukyagha. Ekiseera eky'entalo, n'ekiseera eky'emiraala.

Nahumu 3:4

Ebyo byonabyona biri kutuuka ku kibuga ekyo Nineve olw'okwebisa nga malaaya asikiriza ali n'obulezi bwene obwita; kuba kisendasenda amaghanga okugakiidhamya era kyakozesa obulezi bwakyo okugafuula abairu.

Okwolekebwa 18:23

Okumulika okw'entaala tikuliirayo kabiri kuboneka mu iwe, waire amamiro ag'oyo abayiiza omugole oba ag'omugole mwene, okwirayo okuwulirwa mu iwe. Abaasuubuliranga mu iwe abaali abakologho ku nsi wabaguya, n'amaghanga goonagoona wagaguyanga n'obulogo bwo.”

Okwolekebwa 18:3

Kuba amaghanga goonagoona gaatamiira omwenge ogw'obwenzi bwe. Bakyabazinga ab'oku nsi baayenda naye, n'abasuubuzi ab'oku nsi bakombaghalira ku kwedhalabya kwe okungi.”

1 Samueli 16:4

Samueli yaakola nga Musengwa Katonda bwe yamulagira, yaaja e Bethelehemu. Abakulembeze ab'omu kibuga ekyo baidha okumusangaaza nga badhugumira. Baamubuuza bati: “Oidhie na miraala, oba busa?”