2 Bakyabazinga 9:19 - Baibuli Ekibono kya Katonda 2014

¹⁹ Kabiri yaatuma owundi ku mbalaasi, yaabatuukaku era yaakoba ati: “Kyabazinga ali kubuuza ati, ‘Mbu oidhie lwa miraala.’ ” Yehu yairamu ati: “Emiraala oli ku gifaaku gyaki? Bitagho, oire einhuma wange, onnonereze!”

2 Bakyabazinga 9:19 ပူးပေါင်းရင်းမြစ်များ

2 Bakyabazinga 9:11

Agho Yehu yaafuluma, yairayo ye baduumizi baine. Owundi ku abo yaamubuuza ati: “Bye mubaireku bya miraala? Omusaadha oyo omubbamu abaire ali kukukoba ki?” Yehu yaabakoba ati: “Mwena mwidhi bukalamu omusaadha oyo n'ebibono bye.”

2 Bakyabazinga 9:17

Agho omukuumi yali ayemereire ku kituuti ekirengererwaku mu Yezireeli, yaalengera Yehu n'ekikunsu kye eky'abantu nga kiri kwidha. Yaakoba ati: “Ndi kubona ekikunsu eky'abantu ekiri kwidha.” Yoramu yaakoba ati: “Funayo omuntu omutume ku mbalaasi, aje ye bali ababuuze ati, ‘Mwidhie lwa miraala?’ ”

2 Bakyabazinga 9:18

Kale omuntu yaajiira ku mbalaasi, yaaja ye Yehu. Yaamukoba ati: “Kyabazinga ali kubuuza ati, ‘Mbu oidhie lwa miraala?’ ” Yehu yairamu ati: “Emiraala oli ku gifaaku gyaki? Bitagho, oire einhuma wange, onnonereze!” Omukuumi eyali eyemereire ku kituuti ekirengererwaku, yaatuusa amawulire ati: “Omukwenda ye ntumye abatuuseeku ye bali, aye tali kwira!”

2 Bakyabazinga 9:20

Omukuumi oyo era yaatuusa amawulire ng'akoba ati: “Omukwenda abatuuseeku ye bali, aye tali kwira! N'envuga y'ekigaali eri ng'oti n'eya Yehu mwidhukulu wa Nimushi, avuga ekiralu!”

Isaia 48:22

Musengwa Katonda akoba ati: “Abakozi b'ebibi tibaja kuba na miraala naire.”