2 Bakyabazinga 9:17 - Baibuli Ekibono kya Katonda 2014

¹⁷ Agho omukuumi yali ayemereire ku kituuti ekirengererwaku mu Yezireeli, yaalengera Yehu n'ekikunsu kye eky'abantu nga kiri kwidha. Yaakoba ati: “Ndi kubona ekikunsu eky'abantu ekiri kwidha.” Yoramu yaakoba ati: “Funayo omuntu omutume ku mbalaasi, aje ye bali ababuuze ati, ‘Mwidhie lwa miraala?’ ”

2 Bakyabazinga 9:17 ပူးပေါင်းရင်းမြစ်များ

2 Samueli 13:34

Ebyo byabanga nga biri kubaagho, ate ng'ere Abusalomu alumwike. Mu kiseera ekyo, omwisuka eyali ku gw'okukuuma, yaja okulinga ati ng'abona abantu kamaala bali kwidha nga baviira mu luguudo oluva e Horonaimu ku mbali okw'olusozi.

2 Samueli 18:24

Mu kiseera ekyo Daudi yali atyaime ghansi ghagati gh'emiryango egy'emikuzi ebiri egy'ekibuga, ogw'omunda n'ogw'oku luya. Agho omukuumi yaaniina ghaigulu ku mulyango okumpi n'ekimante. Yaja okulinga ati ng'abona omuntu ali kulumuka yenka.

1 Bakyabazinga 2:15

Adoniya yaakoba ati: “Oidhi bukalamu nga ninze eyali ow'okusikira obwakyabazinga, era ng'abantu boonaboona mu Isiraeli ekyo kye baali basuubira. Aye muganda wange yaafuuka kyabazinga, kuba Musengwa Katonda atyo bwe yayenda.

2 Bakyabazinga 7:14

Kale baaleeta ebigaali bibiri eby'omu lutalo, kyabazinga yaatuma abantu okunonereza eigye ery'Abasiria, ng'akoba ati: “Muje mubone ekiriyo.”

2 Bakyabazinga 9:11

Agho Yehu yaafuluma, yairayo ye baduumizi baine. Owundi ku abo yaamubuuza ati: “Bye mubaireku bya miraala? Omusaadha oyo omubbamu abaire ali kukukoba ki?” Yehu yaabakoba ati: “Mwena mwidhi bukalamu omusaadha oyo n'ebibono bye.”

2 Bakyabazinga 9:16

Agho Yehu yaaniina mu kigaali kye eky'omu lutalo, yaaja e Yezireeli Yoramu ye yali ng'ali kulwalira. Ni Ahazia kyabazinga wa Buyudaaya yali ajiireyo okumubona obulwaire.

2 Bakyabazinga 9:18

Kale omuntu yaajiira ku mbalaasi, yaaja ye Yehu. Yaamukoba ati: “Kyabazinga ali kubuuza ati, ‘Mbu oidhie lwa miraala?’ ” Yehu yairamu ati: “Emiraala oli ku gifaaku gyaki? Bitagho, oire einhuma wange, onnonereze!” Omukuumi eyali eyemereire ku kituuti ekirengererwaku, yaatuusa amawulire ati: “Omukwenda ye ntumye abatuuseeku ye bali, aye tali kwira!”

2 Bakyabazinga 9:19

Kabiri yaatuma owundi ku mbalaasi, yaabatuukaku era yaakoba ati: “Kyabazinga ali kubuuza ati, ‘Mbu oidhie lwa miraala.’ ” Yehu yairamu ati: “Emiraala oli ku gifaaku gyaki? Bitagho, oire einhuma wange, onnonereze!”

Isaia 56:10

Abakulembeze b'abantu bange bali ng'oti batulu beene. Tibakaalimu magezi, bali ng'oti n'embwa edhitaboigola. Baba mu kuwongera, na mu kutenduka ndoolo, na mu kuloota.

Isaia 62:6

Iwe Yerusalemu, ntaire abakuumi ku bimante byo, abataidha kusirikanga omusana n'obwire. Bateekwa okwidhukizanga Musengwa Katonda atuukirize bye yasuubiza, nga tibawuumulamu naire.

1 Samueli 16:4

Samueli yaakola nga Musengwa Katonda bwe yamulagira, yaaja e Bethelehemu. Abakulembeze ab'omu kibuga ekyo baidha okumusangaaza nga badhugumira. Baamubuuza bati: “Oidhie na miraala, oba busa?”

1 Samueli 17:22

Daudi yaatoola ebintu bye yatwala, yaabirekera omukuumi w'eiterekero, mwene yaalumuka okutuuka ku igye, yaaja yaalamusa baganda be.