2 Bakyabazinga 9:14 - Baibuli Ekibono kya Katonda 2014

¹⁴ Agho Yehu mutabane wa Yehoshafati era mwidhukulu wa Nimushi yaakola olukwe okwita Yoramu. Mu kiseera ekyo, Yoramu n'Abaisiraeli boonaboona baali nga bali kukuuma Ramothi Gileadi kirobe kunhagibwa Hazaeli, kyabazinga wa Siria.

2 Bakyabazinga 9:14 ပူးပေါင်းရင်းမြစ်များ

1 Bakyabazinga 15:27

Agho Baasha mutabane wa Ahiya ow'omu kika kya Issakari, yaalya mu Nadabu oyo olukwe era yaamwitira e Gibbethoni eky'Abafilisiti, Nadabu oyo n'Abaisiraeli boonaboona kye baali bazingiiza okwezunguluza.

1 Bakyabazinga 16:16

Era ab'amagye abo bwe baawulira nga Zimuri yaliire mu kyabazinga olukwe yaamwita, ku lunaku lwene olwo boonaboona, baafuula Omuri omuduumizi w'eigye okuba kyabazinga wa Isiraeli.

1 Bakyabazinga 16:7

Mu butuufu Musengwa Katonda yayogera ng'abita mu mulanzi Yehu mutabane wa Hanani, yaavumirira Baasha n'ab'endhu ye, olw'ebibi byonabyona Baasha oyo bye yakola n'asungughaza Musengwa Katonda. Yasungughaza Musengwa Katonda ti lwa bibi bye yakola byonka nga Yeroboamu eyamusooka bwe yakola, aye n'olw'okwita ab'endhu ya Yeroboamu oyo boonaboona.

1 Bakyabazinga 16:9

Aye Zimuri, owundi ku bakungu be eyaduumiranga ekitundu ku bigaali bye eby'omu lutalo, yaamulyamu olukwe. Lwali lulala, Ela yaanhwa omwenge, yaatamiirira mu maka ga Aruza eyalabiriranga ekisaagaati kya kyabazinga e Tiruza

1 Bakyabazinga 22:3

Agho kyabazinga wa Isiraeli yaakoba abakungu be ati: “Mwidhi bukalamu nga Ramothi eky'e Gileadi kyaife. Aye lwaki tusirika obusirike ni tutakitoola ku kyabazinga wa Siria?”

2 Bakyabazinga 10:9

Enkyo ku nkyo, yaafuluma yaakoba abantu boonaboona agho ku mulyango gw'ekibuga, ati: “Imwe muziraku musango. Ninze nakola olukwe ni ndhita musengwa wange. Aye naani eyaise bano boonaboona?

2 Bakyabazinga 12:21

Abakungu be, Yozakari mutabane wa Shimeathi ni Yehozabadi mutabane wa Shomeri, n'abaamufumita, n'afa. Era baamuziika mu badhaadha be abaafa, mu kyetebwa Ekibuga kya Daudi. Mutabane we Amazia yaamusikira ku bwakyabazinga.

2 Bakyabazinga 15:30

Mu mwaka ogwamakumi abiri (20) nga kyabazinga Yothamu mutabane wa Uzzia n'afuga Buyudaaya, Hoshea mutabane wa Ela yaakola olukwe, yaafumita Peka mutabane wa Remalia, yaamwita. Olwo Hoshea oyo yaafuuka kyabazinga mu kifo kye.

2 Bakyabazinga 8:28

Kyabazinga Ahazia oyo yaja mu lutalo ni kyabazinga Yoramu owa Isiraeli mutabane wa Ahabu, okulwanisa kyabazinga Hazaeli owa Siria. Olutalo olwo lwataamira e Ramothi Gileadi, Abasiria baafumitira eyo Yoramu ebibwa.

2 Bakyabazinga 8:29

Kyabazinga Yoramu oyo, yairayo e Yezireeli amale okuwona ebibwa Abasiria bye baamufumitira e Rama ng'alwanisa kyabazinga Hazaeli owa Siria. Agho kyabazinga Ahazia mutabane wa Yehoramu kyabazinga wa Buyudaaya, yaajaayo okumubona obulwaire.

2 Bakyabazinga 9:2

Bw'onaatuukayo oidha kwagala Yehu mutabane wa Yehoshafati era mwidhukulu wa Nimushi. Olwo oingire mu ndhu mw'ali, omutoole mu baine, omutwale mu kisenge eky'omunda.

2 Bakyabazinga 9:31

Yehu bweyali ng'ali kwingira mu mulyango, Yezebeli yaamweta ati: “Iwe Zimuri eyatemula musengwa wo, oidhie lwa miraala?”