2 Bakyabazinga 9:1 - Baibuli Ekibono kya Katonda 2014

¹ Agho Elisha omulanzi yaayeta omwisuka mulala ku b'ekikunsu eky'abalanzi, yaamukoba ati: “Weetegeke, ogeme akadoome kano ak'omuzigo ogw'ebibala eby'emiti emyoliva, oje e Ramothi Gileadi.

2 Bakyabazinga 9:1 ပူးပေါင်းရင်းမြစ်များ

1 Bakyabazinga 1:39

Nga bali eyo, Zadoki kabona yaaja mu Weema ey'Okwagaananirangamu ni Musengwa Katonda, yaatoolayo eiyiga ery'ensolo lye baatangamu omuzigo, yaatoolamu omuzigo, yaagusiiga Solomoni. Olwo baafuuwa eigwala, era abantu boonaboona baakoba bati: “Ghangaala kyabazinga Solomoni.”

1 Bakyabazinga 18:46

Agho amaani ga Musengwa Katonda gaidha ku Eliya, yaanhweza ekivaalo kye mu nkende, yaalumuka yeesooka Ahabu aghaingirirwa e Yezireeli.

1 Bakyabazinga 19:16

osiige ni Yehu mutabane wa Nimushi abe kyabazinga wa Isiraeli, era osiige ni Elisha mutabane wa Shafati ow'e Abeli Mehola abe omulanzi mu kifo kyo.

1 Bakyabazinga 20:35

Agho omusaadha mulala ku balanzi, nga Musengwa Katonda n'amulagiire, yaakoba mwine ati: “Nkweghembye nkuba.” Aye mwine yaaloba.

1 Bakyabazinga 22:20

Musengwa Katonda yaabuuza ati, ‘Naani anaasendasenda Ahabu okuja e Ramothi eky'e Gileadi, bamwite?’ Ono yaakoba kino, ate ole yaakoba kire.

1 Bakyabazinga 22:4

Yaabuuza Yehoshafati ati: “Onaaja ninze mu Ramothi eky'e Gileadi okulwana olutalo?” Yehoshafati yaamwiramu ati: “Nze n'iwe tuli kirala. Abantu bange n'ekirala n'ababo, era embalaasi dhange n'ekirala n'edhidho.”

2 Bakyabazinga 2:15

Abalanzi abaali e Yeriko bwe baamubona, baakoba bati: “Obuyinza bwa Eliya buli ku Elisha.” Agho baidha okumweisuusaayo, era baakuba amakiryaivu agho mu maiso ge,

2 Bakyabazinga 2:3

Agho ekikunsu eky'abalanzi abaali e Betheli baidha ye Elisha, baamubuuza bati: “Okiidhi nga Musengwa Katonda olwaleero aja kukutoolaku musengwa wo amutwale?” Elisha yairamu ati: “Yii, nkiidhi. Imwe mwesirikire.”

2 Bakyabazinga 2:5

Agho ekikunsu eky'abalanzi abaali e Yeriko baaseeta ye Elisha, baamubuuza bati: “Okiidhi nga Musengwa Katonda olwaleero aja kukutoolaku musengwa wo amutwale?” Elisha yairamu ati: “Yii, nkiidhi. Imwe mwesirikire.”

2 Bakyabazinga 2:7

baatuuka baayemerera ku mbali kw'omwiga Yorudani. Abalanzi amakumi ataanu okuva mu kikunsu ky'abalanzi, boona baaja, baayemerera nga ghakaalighooku akata okutuuka ku Eliya ni Elisha.

2 Bakyabazinga 4:1

Agho namwandu ow'owundi ku b'ekikunsu ky'abalanzi, yaalirira Elisha ng'akoba ati: “Omugheereza wo, baze, yafa. Era oidhi omugheereza wo oyo nga bweyali atya Musengwa Katonda. Aye mpegaano omuntu eyali amubandha, aidhie okutwala abaana bange bombi abafuule abairu be.”

2 Bakyabazinga 4:29

Elisha yaakoba Gehazi ati: “Yangugha mangu ogeme omwigo gwange, oje. Bw'oyagaana omuntu mu ngira, otamulamusa. Era bweghabaagho akulamusa otamwiramu. Bw'onaatuuka oidha kuta omwigo gwange ku mwana.”

2 Bakyabazinga 9:4

Agho omwisuka omulanzi yaaja e Ramothi Gileadi,

2 Ebyomubyanda 22:1

Agho abantu b'omu Yerusalemu baataagho Ahazia, asembayo obuto mu batabane ba Yehoramu, yaasikira ise ku bwakyabazinga kuba ekikunsu eky'abalwani abaidha n'Abawarabu okulumba, kyali kimaze okwita abaana ba Yehoramu oyo abakulu boonaboona. Kale Ahazia mutabane wa Yehoramu kyabazinga wa Buyudaaya, yaatoolera okufuga.

2 Ebyomubyanda 22:5

Era kyabazinga Ahazia oyo ng'ajiira ku magezi ge baamugha, yaaja mu lutalo ni kyabazinga Yoramu owa Isiraeli mutabane wa Ahabu, okulwanisa kyabazinga Hazaeli owa Siria. Olutalo olwo lwataamira e Ramothi Gileadi, Abasiria baafumitira eyo Yoramu ebibwa.

Yeremia 1:17

Iwe mperaano situkiramu, weesibe weenhweze, oje obakobe ebyo byonabyona bye nnaakulagira okubakoba. Otabatya naire, tiikulwa nga nkutiisa nga bali kubona, ng'ojiire ye bali.

Matayo 26:7

ng'ali ku kiiwulo alya, omukazi yaidha ng'ali n'akadoome ka alabasituro, nga kalimu omuzigo ogw'omughendo, yaagusiiga ku mutwe gwa Yesu!

Amateeka Agokubiri 4:1

Musa yaayongera okukoba Abaisiraeli ati: “Agho ni muwulirenga amateeka n'ebiragiro bye ndi kubeegeresa mubituukirizenga, olwo mughange okuba abalamu, mwingire mu nsi Musengwa Katonda, Katonda wa badhaadha baimwe y'ali kubagha, era mugitwale.

Amateeka Agokubiri 4:3

Imwe beene mweboneraku n'agaimwe, Musengwa Katonda waimwe bye yakolera e Peori, ebigema ku Baali. Nga bweyazikiriza mu imwe abo boonaboona abaali basinza Baali oyo.

1 Petero 1:13

Kale ni mu myoyo gyaimwe mubenga beetegefu era mwefugenga. Eisuubi lyaimwe lyonalyona mulitenga mu kisa Katonda ky'aja okubagemerwa ku lunaku Yesu Kurisito lw'alibonekeraku.

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.

1 Samueli 16:1

Musengwa Katonda yaakoba Samueli ati: “Olituusa li okunakughala, olw'okuba nga nabinga Saulo ku bwakyabazinga bwa Isiraeli? Gema eiyiga lyo ly'otaamu omuzigo ogw'ebibala eby'emiti emyoliva oliidhuze omuzigo, oje. Ndidha kukutuma ewa Yesse Omubethelehemu, kuba nonze owundi ku batabane be okuba kyabazinga.”