2 Bakyabazinga 8:6 - Baibuli Ekibono kya Katonda 2014

⁶ Kyabazinga bwe yabuuza omukazi nga bwe byali, omukazi yaamukobera byonabyona. Kale ni, kyabazinga yaamutaaku omukungu ng'amukoba ati: “Omukazi ono mwirize ebintu byonabyona ebyali ebibye, oteeku n'omughendo oguja mu bibala byonabyona ebyava mu kibandha kye, ekiseera kyonakyona kye yamala ng'aziragho.”

2 Bakyabazinga 8:6 ပူးပေါင်းရင်းမြစ်များ

Amainhama 37:36

Mu kiseera ekyo, abasuubuzi baali bamaze okutunda Yosefu mu Misiri, nga bamuguziiza Potifari omukungu wa kyabazinga w'e Misiri, era omukulu w'abaisirukale abaakuumanga ekisaagaati kya kyabazinga.

2 Samueli 9:7

Daudi yaamukoba ati: “Otatya. Ndidha ku kwoleka ekivunika ku lwa lata wo Yonathani, nkwirize eitaka lyonalyona eryali erya dhaadha wo Saulo. Era oidha kuliiranga ghalala ninze ku kiiwulo.”

2 Bakyabazinga 8:5

Gehazi bweyali ali kukobera kyabazinga ng'Elisha bwe yaiza mu muntu eyali afiire obulamu, omukazi oyo mwene mwana Elisha ye yaizaamu obulamu yaatuuka mu kaseera ako, yaasaba kyabazinga amwirize endhu ye n'ekibandha kye. Agho Gehazi yaakoba ati: “Isebantu kyabazinga, omukazi ye ndi kwogeraku wuuno era n'omwana we n'ono Elisha ye yaizaamu obulamu!”

2 Bakyabazinga 8:7

Agho Elisha yaaja e Damasiko. Mu kiseera ekyo Benihadadi kyabazinga wa Siria yali mulwaire. Bwe baakobera Benihadadi oyo bati: “Omuntu wa Katonda aidhie kuno,”

2 Bakyabazinga 9:32

Yehu yaakyukiza amaiso ghaigulu aghali dinisa, yaakoba ati: “Naani ali ku luuyi lwange? Naani?” Abalaawe ab'omu kisaagaati kya kyabazinga babiri oba basatu, baamulengezaaku.

1 Ebyomubyanda 28:1

Kyabazinga Daudi yaalagira abakungu boonaboona mu Isiraeli okwesoloza. Kale bano beesololeza e Yerusalemu: abakulu b'ebika, n'abakulira ebikunsu ebyagheerezanga kyabazinga, n'abaduumizi b'abaisirukale olukumi olukumi n'ekikumi ekikumi, n'abaalabiriranga ebintu n'ebyayo bya kyabazinga ni batabane be, ghalala n'abakungu b'omu kisaagaati kya kyabazinga, era n'abaisirukale boonaboona ab'amaani.

Ensambo 16:7

Omuntu bw'akola ebisanhusa Musengwa Katonda, Musengwa Katonda oyo afuula n'ababaire abazigu b'omuntu oyo baaba bakagwa be.

Ensambo 21:1

Omwoyo gwa kyabazinga guba mu buyinza bwa Musengwa Katonda; agukyukiza buli y'ayenda ng'oti n'omweta ogw'amaadhi.

Amateeka Agokubiri 22:2

Aye mwene yo bw'anaabanga nga tali kumpi n'iwe, oba bw'onaabanga nga tomwidhi bwidhi, olwo onaagitwalanga eka ewuwo waagikuuma okutuusa lw'aliidha ng'ali kugyagala, waagimwiriza.

Abalamuzi 11:13

Kyabazinga ow'Abammoni yairamu ati: “Abaisiraeli bwe baava e Misiri, baatwala ekiketezo eky'ensi yange, okuva ku mwiga Arunoni okutuuka ku mwiga Yabboki, ni ku mwiga Yorudani. Kale mpegaano ekiketezo ekyo mukitwirize bya bulungi.”