2 Bakyabazinga 8:28 - Baibuli Ekibono kya Katonda 2014

²⁸ Kyabazinga Ahazia oyo yaja mu lutalo ni kyabazinga Yoramu owa Isiraeli mutabane wa Ahabu, okulwanisa kyabazinga Hazaeli owa Siria. Olutalo olwo lwataamira e Ramothi Gileadi, Abasiria baafumitira eyo Yoramu ebibwa.

2 Bakyabazinga 8:28 ပူးပေါင်းရင်းမြစ်များ

1 Bakyabazinga 19:17

Kale omuntu yeenayeena anaawonanga okwitibwa Hazaeli, aidha kwitibwanga Yehu. Ate anaawonanga okwitibwa Yehu, aidha kwitibwanga Elisha.

1 Bakyabazinga 22:29

Agho kyabazinga Ahabu owa Isiraeli ni kyabazinga Yehoshafati owa Buyudaaya, baaja okulumba ekibuga Ramothi eky'e Gileadi.

1 Bakyabazinga 4:13

Benigeberi yaalabirira ekibuga Ramothi eky'omu Gileadi, n'ebyalo bya Yairi mutabane wa Manasse ebiri mu Gileadi, n'ekiketezo ky'e Arugobu mu Bashani; woonawoona ng'ebyo n'ebibuga ebikologho enkaaga ebyezungulwirwa ebimante ebigumu era ebiri n'eminhololo egisiba endhigi dhaabyo egyakolebwa mu kyuma eky'ekikomo.

2 Bakyabazinga 3:7

era n'agheereza obukwenda ye Yehoshafati kyabazinga wa Buyudaaya, ng'akoba ati: “Kyabazinga wa Moabu andheemeire. Onaaneeyimbaku mu lutalo twaja okumulwanisa?” Kyabazinga Yehoshafati yairamu ati: “Yii, ndidha kukweyimbaku tuje. Nze n'iwe twisa kirala, abantu bange babo, n'embalaasi dhange dhidho.”

2 Bakyabazinga 8:15

Aye ku lunaku olwairirira, Hazaeli yaatoola ekyebwiko, yaakiinhika mu maadhi, yaakisemba mu nhindo ni mu kanwa mwa kyabazinga Benihadadi, yaafa ekiziyiro. Agho Hazaeli yaasikira Benihadadi ku bwakyabazinga bwa Siria.

2 Bakyabazinga 8:29

Kyabazinga Yoramu oyo, yairayo e Yezireeli amale okuwona ebibwa Abasiria bye baamufumitira e Rama ng'alwanisa kyabazinga Hazaeli owa Siria. Agho kyabazinga Ahazia mutabane wa Yehoramu kyabazinga wa Buyudaaya, yaajaayo okumubona obulwaire.

2 Bakyabazinga 9:1

Agho Elisha omulanzi yaayeta omwisuka mulala ku b'ekikunsu eky'abalanzi, yaamukoba ati: “Weetegeke, ogeme akadoome kano ak'omuzigo ogw'ebibala eby'emiti emyoliva, oje e Ramothi Gileadi.

2 Bakyabazinga 9:14

Agho Yehu mutabane wa Yehoshafati era mwidhukulu wa Nimushi yaakola olukwe okwita Yoramu. Mu kiseera ekyo, Yoramu n'Abaisiraeli boonaboona baali nga bali kukuuma Ramothi Gileadi kirobe kunhagibwa Hazaeli, kyabazinga wa Siria.

2 Bakyabazinga 9:15

Aye kyabazinga Yoramu yali aizeeyo e Yezireeli amale okuwona ebibwa, Abasiria bye baamufumita ng'alwanisa Hazaeli kyabazinga wa Siria. Agho Yehu yaakoba baduumizi baine ati: “Oba nga muli ku luuyi lwange, mutaganha muntu yeenayeena kuseguka ni yeiba mu kibuga, okuja okukobera ab'e Yezireeli.”

2 Bakyabazinga 9:16

Agho Yehu yaaniina mu kigaali kye eky'omu lutalo, yaaja e Yezireeli Yoramu ye yali ng'ali kulwalira. Ni Ahazia kyabazinga wa Buyudaaya yali ajiireyo okumubona obulwaire.

2 Ebyomubyanda 18:31

Agho abaduumizi b'ebigaali eby'omu lutalo abo bwe baabona kyabazinga Yehoshafati, baadhuuba bati ni kyabazinga wa Isiraeli, era baakyuka okumulwanisa. Aye Yehoshafati oyo bwe yayana einho, Musengwa Katonda yaamubeera, yaamubawonia.

2 Ebyomubyanda 19:2

Omulanzi ayetebwa Yehu, mutabane wa Hanani, yaaja okumweisuusaayo, era yaamukoba ati: “Obwo bwene, obona nga iwe ogwaniire okuyamba ababi n'okugonza abo abakyagha Musengwa Katonda? Ekyo ky'okoze kikuleeteire obusungu bwa Musengwa Katonda okukwidhira.

2 Ebyomubyanda 22:5

Era kyabazinga Ahazia oyo ng'ajiira ku magezi ge baamugha, yaaja mu lutalo ni kyabazinga Yoramu owa Isiraeli mutabane wa Ahabu, okulwanisa kyabazinga Hazaeli owa Siria. Olutalo olwo lwataamira e Ramothi Gileadi, Abasiria baafumitira eyo Yoramu ebibwa.

Yoshua 20:8

E buvandhuba wa Yorudani mu museetwe ogw'eirungu, era eyo nga n'e buvandhuba wa Yeriko, baalondayo Bezera mu kiketezo ekya Reubeni. Mu Gileadi baalondayo Ramothi eky'omu kika kya Gadi. Mu Bashani ekiketezo kya Manasse baalondayo Golani.

Yoshua 21:38

Era baafuna ebibuga ebindi bina okuva ku kiketezo eky'Abagadi, nga ni bino: Ramothi eky'omu Gileadi, ekindi ku ebyo ebyalondebwa okulumukirangamu ole aise omuntu nga tagendereire, ni Mahanaimu,